SEKSYON 60

Kapahayagan na ipinagtao sa paagi ki Joseph Smith an Propeta, sa Jackson County, Missouri, Agosto 8, 1831. HS 1:201-202. Sa okasyon na ini an mga elders na pinagngaranan na bumalik pasiring sa Sirangan nagmawot na makaaram kun paano sinde dapat na magpadagos, asin sa anong rota asin manera sinda dapat na magbiyahe.
*******
1-9, An mga elders kaipong magbalangibog kan ebanghelyo sa mga kongregasyon nin mga mararaot; 10-14, Sinda dae dapat magpalipas kan saindang oras, ni ipagtago an saindang mga talento; 15-17, Sinda puwedeng maghugas kan saindang mga bitis bilang sarong testimonya laban sainda na masikwal kan ebanghelyo.
*******
HILNGA, kaya nagsabi an Kagurangnan sa mga elders kan saiyang simbahan, na magbaralik na may kahidalian sa kadagaan na kun saen sinda naggikan. Hilnga, ini nakakapagpaogma sakuya, na kamo nakaabot digde;
2 Pero sa iba dae ako naoogma, nin huli ta sinda habong magbukas kan saindang mga nguso, kundi saindang pinagtatago an talento na Ako an nagtao sa sainda, nin huli sa pagkatakot sa tawo. Herak man sa sainda, nin huli ta an sakuyang kaanggutan iyo an nagpapalindong laban sainda;
3 Asin ini mangyayaring maglipas, kun sinda bakong mas may dakulang pagtubod sa sakuya, ini pagbabawion, maski idtong bagay na igwa sinda.
4 Nin huli ta Ako, an Kagurangnan, nagpapamahala sa mga kalangitan sa itaas, asin sa pag-iriba kan mga hukbo nin kinaban; asin sa kaaldawan na Ako maghihimo kan sakuyang mga alahas, an gabos na mga tawo makakaaram na kun ano ining pinagsasabing kapangyarihan nin Diyos.
5 Pero, katotohanan, Ako magtataram sa saindo mapanungod sa saindong paglalakbay pasiring sa kadagaan kun sane kamo naggikan. Tugutan na magkaigwa nin sarong sakayan na ginibo, o binakal, na sa paghuna nindo marahay, ini bakong importante sakuya, asin gibohon an saindong paglakbay na may kahidalian pasiring sa lugar na pinag-apod na St. Louis.
6 Asin gikan duman tugutan na an sakuyang mga surugoon, na sinda Sidney Ridgon, Joseph Smith Jun., asin Oliver Cowdery, na gibohon an saindang paglalakbay pasiring sa Cincinnati;
7 Asin sa lugar na ini tugutan sindang pag-alsahon an saindang boses asin ideklara an sakuyang tataramon na igwang makusogon na boses, na mayong kaanggutan o pagdududa, ipagtataas an mga banal na kamot sa sainda. Nin huli ta Ako naghingohang gibohon kamong banal, asin an saindong mga kasalan pinagpatawad na saindo.
8 Asin tugutan na an tada gibohon an saindang paglalakbay gikan sa St. Louis, sa manduwa-duwa asin ipagbalangibog an tataramon, bakong sa paghihidali, sa pag-iriba kan mga kongregasyon nin mga mararaot, sagkod na snda makabalik sa mga simbahan kun saen sinda naggikan.
9 Asin gabos ini para sa karahayan kan mga simbahan; nin huli kaining katuyuhan Ako nagpadara sainda.
10 Asin tugutan na an sakuyang surugoon na si Edward Partridge na ipagheras an kuwarta na Ako an nagtao saiya, sarong porsiyon pasiring sa sakuyang mga elders na pinagsugong magbaralik;
11 Asin siya na may kakayahan, tugutan siyang maibalik ini sa paagi kan ahente; asin saiya na mayong kakayahan, sa saiya ini bakong pinaghahagad.
12 Asin ngonyan Ako mataram sa katadaan na maarabot pa pasiring digde sa kadagaan.
13 Hilnga, sinda pinagpadara sa pagbalangibog kan sakuyang ebanghelyo sa pag-iriba nin mga kongregasyon kan mga mararaot; kumbaga, Ako nagtao sa sainda nin sarong kasugoan, kaya: Kamo dae magparasayang kan saindong oras, ni saindong ipaglulubong an saindong talento na tanganing ini puwedeng dae na maipagpabantog.
14 Asin pagkatapos na kamo makaabot na sa kadagaan nin Sion, asin nakapagproklama na kan sakuyang tataramon, kamo maghihidaling magbaralik, na pinagpoproklama an sakuyang tataramon sa pag-iriba kan mga kongregasyon nin mga mararaot, bakong sa hidalian, ni sa kaanggutan ni sa pakikipagbangayan.
15 Asin ipagpag an alpog na yaon sa saindong mga bitis laban sainda na habong magresibe saindo, bako sa saindang atubangan, ta baka baya saindong mapa-anggot sinda, kundi sa sikreto sana; asin hugasan an saindong bitis, bilang sarong testimonya laban sainda sa aldaw nin paghuhukom.
16 Hilnga, ini maninigo para saindo, asin an kagustuhan niya na iyo an nagpadara saindo.
17 Asin sa paagi kan nguso nin sakuyang surugoon na si Joseph Smith Jun., ini paghimoon na maipagpabantog an mapanungod kina Sidney Rigdon asin Oliver Cowdery. An tada magpoon ngonyan. Arog kaini. Amen.

SEKSYON 59

Kapahayagan na ipinagtao sa paagi ki Joseph Smith an Propeta, sa Sion, Jackson County, Missouri, Agosto 7, 1831. HS 1:196-201. An nakaagi kan saiyang pagrekord kaining kapahayagan, an Propeta nagsurat na may pagladawan an kadagaan nin Sion na kun saen an mga katawohan kaidto pinag-asembliya. An kadagaan pinagkonsagra, siring na an Kagurangnan an nagdireksiyon, asin an lugar para sa paabuton na templo pinagdulot. An Kagurangnan pinaghimo ining mga kasugoan espesyalmenteng aplikable sa mga banal nin Sion.
*******
1-4, An pano nin pagtubod na mga banal sa Sion pagbebendisyunan; 5-8, Sinda dapat na magmoot asin magsirbe sa Kagurangnan asin magsunod sa saiyang mga kasugoan; 9-19, Sa pagsunod na gibohong banal an aldaw nin Kagurangnan, an mga banal pagbebendisyunan sa temporal asin espirituwal; 20-24, An mga matatanos pinagpromisahan nin katuninongan sa kinaban na ini asin eternal na buhay sa kinaban na maabot.
*******
HILNGA, paladan, nagsabi an Kagurangnan, sinda na nagpadigde sa kadagaang ini na igwang mata na nakaputitok sa sakuyang kamurawayan, na uyon sa sakuyang mga kasugoan.
2 Nin huli ta sainda na buhay magmamana kan kinaban, asin sainda na gadan magpapahingalo gikan sa gabos nindang pagtatrabaho, asin an saindang mga naginibohan magsusunod sainda; asin sinda magreresibe nin sarong korona sa mga mansiyon kan sakuyang Ama, na Ako an nag-andam para sainda.
3 Iyo, paladan sinda na an mga bitis nakatindog sa ibabaw nin kadagaan nin Sion, na nagsurunod sa sakuyang ebanghelyo; nin huli ta sinda magreresibe bilang saindang pabuya an mga madahumom na mga bagay kan kinaban, asin ini magdadara paluwas nin kusog.
4 Asin sinda pagkokoronahan man nin mga bendisyon gikan sa itaas, iyo, asin igwang mga kasugoan na bakong kadikiton, asin igwang mga kapahayagan sa saindang kapanahunan---sainda na pano nin pagtubod asin mahiguson sa atubangan ko.
5 Kumbaya, Ako magtatao sa sainda nin sarong kasugoan, na baya nagsasabi: Kamo magmomoot sa Kagurangnan saindong Diyos sa bilog nindong puso, sa bilog nindong kakayahan, isip, asin kusog; asin sa pangaran ni JesuCristo kamo magsisirbe saiya.
6 Kamo magmomoot sa saindong mga kataid na siring sa saindong sadire. Kamo dae maghahabon; ni gumibo nin adulteryo, ni manggagadanan, ni gumibo nin anuman na bagay na siring kan mga ini.
7 Kamo magpapasalamat sa Kagurangnan saindong Diyos sa gabos na mga bagay.
8 Kamo magdudulot nin sarong sakripisyo sa Kagurangnan saindong Diyos sa pagkamatanos, na iyo an sarong nababagbag na puso asin sarong nagsosolsol na espiritu.
9 Asin tanganing kamo mas bilog na itago an sadire na dae madudugtaan kan kinaban, kamo magpapaduman sa harong kan pagpapangadye asin magdulot paitaas kan saindong mga sakramento sa sakuyang banal na aldaw;
10 Nin huli ta sa katotohanan iyo ini an sarong aldaw na pinagngaranan sa saindo tanganing magpahingalo gikan sa saindong mga trabaho, asin sa pagbayad kan saindong mga debosyon pasiring an Pinakahalangkaw;
11 Daeng pagkukulang an saindong mga pangako ipagdudulot paitaas sa katanosan sa bilog na mga aldaw asin sa gabos na mga panahon;
12 Pero giromdoma baya na sa mga ini, an aldaw nin Kagurangnan, kamo maghahaya kan saindong mga dulot asin kan saindong mga sakramento pasiring sa Pinakahalangkaw, magkukumpisalan kan saindong mga kasalan sa saindong mga katugangan, asin sa atubangan nin Kagurangnan.
13 Asin sa aldaw sa ini mayo kamong paggigibohon na ibang bagay, kundi tinutugutan sana na an saindong pagkakan pag-andamon na igwang kabilugan nin puso na tanganing an saindong pag-aayuno puwede magin perpekto, o kaya, sa ibang mga tataramon, na tanganing an saindong kaogmahan mapupuwedeng mapanoon.
14 Katotohanan, iyo ini an pag-aayuno asin pagpapangadye, o sa ibang mga tataramon, pag-oogma asin pagpapangadye.
15 Asin habang kamo naggigibo kaining mga bagay na igwang pagpapasalamat, na igwang maogmahon na mga puso asin lalawgon, bako sa sobrang halakhakan, nin huli ta ini kasalan, kundi may sarong maogmahon na puso asin magaya-gayang lalawgon---
16 Katotohanan Ako nagsasabi, na habang kamo naggigibo kaini, an kapanoan kan kinaban mapapasaindo, an mga hayop nin kalantadan asin mga gamgam nin kahanginan, asin an mga nagsasarakat sa mga kakahuyan asin nagraralakaw sa kinaban;
17 Iyo, asin mga herbo, asin mga marahayon na mga bagay na naggigikan sa daga, kun ini baya para sa kakanon o para sa pagyamit, o para sa mga harong, o para sa kamalig, o para sa mga omahan, o para sa mga hardin, o para sa mga ubasan;
18 Iyo, an gabos na mga bagay na naggigikan sa daga, sa kapanahunan kaini, pinaghimo para sa benepisyo asin paggamit nin tawo, pareho sa kagayunan nin mata asin sa pagpapa-ogma nin puso;
19 Iyo, para sa kakanon asin para sa pagyamit, para sa paglasa asin para sa pamarong, sa pagpapakusog nin hawak asin sa pagpapauswag nin kalag.
20 Asin ini nagpapaogma sa Diyos na saiyang pinagtao an gabos na ining mga bagay sa tayo; nin huli kaini sinda pinaghimong magagait, na igwang paghuhukom, bakong sa kasobrahan, ni sa paagi nin ekstorsiyon.
21 Asin mayong magiginibo an tawo tanganing magtumang sa Diyos, o laban sa mayo na an saiyang kaanggutan magsinsay, laen lang sainda na dae nagkukumpisal kan saindang kamot sa gabos na mga bagay, asin dae nagsusunod kan saiyang mga kasugoan.
22 Hilna, ini uyon sa ley asin mga propeta; kumbaya, dae na ako pagkuliton mapanungod kaining bagay.
23 Kundi makanuod na siya na naggigibo nin mga gibohon sa katanosan magreresibe kan saiyang pabuya, magin an katuninongan kaining mundo, asin eternal na buhay sa mundong maabot.
24 Ako, an Kagurangnan nakapagtaram na kaini, asin an Espiritu an makapagpatotoo. Amen.

SEKSYON 58

Kapahayagan na ipinagtao sa paagi ki Joseph Smith an Propeta, sa Zion, Jackson County, Missouri, Agosto 1, 1831. HS 1:190-195. sa enot the Sabbath pagkatapos na mag-arabot an Propeta asin mga pag-iriba sa Jackson County, Missouri, sarong relihiyosong serbisyo an pinaggibo asin duwang mga miyembro an pinagresibe sa paagi nin pagbubunyag. Sa laog kan semanang idto, an mga miyembro kan mga banal sa Colesville gikan sa sangay kan Thompson asin iba pa nag-arabot. Kadakul an maigoton na makaaram sa kagustuhan nin Kagurangnan mapanungod sainda sa bag-ong lugar nin pagtitiripon-tipon.
*******
1-5, Sinda na nagpakatatag sa panahon nin pagsakit pagkokoronahan nin kamurawayan; 6-12, An mga banal kaipuhang mag-andam para sa kasal kan Kordero asin sa Pamanggihan nin Kagurangnan; 13-18, An mga obispo iyo an mga hukom sa Israel; 9-23, An mga banal dapat na magsunod sa mga leyes nin kadagaan; 24-29, An mga tawo dapat na gumamit kan saindang ahensiya sa paggibo nin marahay; 30-33, An Kagurangnan nagsusugo asin nagbabawi; 34-43, Sa pagsosolsol, an mga tawo kaipuhan na mangumpisal asin bayaan an saindang mga kasalan; 44-58, An mga banal dapat na magbakal kan saindang kamanahan asin magtiripon-tipon sa Missouri; 59-65, An ebanghelyo kaipuhan na ipagbabalangibog duman sa lambang nilalang.
*******
MAGHINANYOG, O kamong mga elders kan sakuyang simbahan, asin magtao nin talenga sa sakuyang tataramon, asin makanuod sako kun ano an sakuyang kagustuhan manunungod saindo, asin man manunungod kaining kadagaan na kun saen Ako an nagpadara saindo.
2 Nin huli ta katotohanan Ako nagsasabi sa saindo, paladan siya na nagsusunod sa sakuyang mga kasugoan, arin man sa buhay o sa kagadanan; asin siya na pano nin pagtubod sa panahon nin kasakitan, an pabuya kaiyan dakulaon sa kahadean kan langit.
3 Dae nindo mahihiling kan saindong natural na mga mata sa presenteng panahon, an desinyo kan saindong Diyos manunungod kaidtong mga bagay na mag-aarabot magpoon ngonyan, asin an kamurawayan na magsusunod pagkalipas nin grabeng kasakitan.
4 Nin huli ta pagkalipas nin grabeng kasakitan mag-aarabot an mga bendisyon. Kumbaya an aldaw mag-aabot na kamo pagkokoronahan nin grabeng kamurawayan; an oras dae pa, pero haranihon nang gayo.
5 Giromdoma baya ini, na Ako an nagtaram saindo kaidto, na tanganing saindong pagsarayon ini sa puso, asin resibihon idtong masurunod pa.
6 Hilnga, katotohanan Ako nagsasabi sa saindo, nin huli kaining kausa na Ako an nagpadara saindo na tanganing baya kamo puwede magin masinunod-sunod, asin tangani baya an saindong mga puso puwede magin preparado sa pagbunga nin testimonya kan mga bagay na mag-aarabot;
7 Asin man tanganing kamo mapupuwedeng pagpapamurawayan sa paglatag nin pundasyon, asin sa pagdadara nin rekord nin kadagaan na kun saen an Sion nin Diyos magtitindog;
8 Asin man na tanganing an sarong pista kan matatabang mga bagay mapupuwedeng magigin preparado para sa mga pobre, iyo, sarong pista kan matatabang mga bagay, kan arak na yaon sa dulay na pinagsarong gayo, na tanganing an kinaban puwedeng makaaram na an mga nguso kan mga propeta dae magpapaltos;
9 Iyo, sarong pamanggihan sa harong nin Kagurangnan, na pinag-andam na gayo, na kun saen an gabos na mga nasyon imbitado.
10 Enot, an mayayaman asin may mga pinag-adalan, an madudunong asin an noble;
11 Asin pagkatapos kaiyan maabot an aldaw kan sakuyang kapangyarihan; pagkasunod an pobre, an pilay, asin an buta, asin an bungog, mag-aarabot sa kasal kan Kordero asin makikikakan sa pamanggihan nin Kagurangnan, preparado para sa dakulang aldaw na maabot.
12 Hilnga, Ako, an Kagurangnan, an nagtaram kaini.
13 Asin tanganing an testimonya mapuwedeng magluluwas gikan sa Sion, iyo, gikan sa nguso kan siyudad nin kamanahan kan Diyos---
14 Iyo, nin huli kaining kausa Ako an nagpadara saindo ngonyan, asin pinagpili an sakuyang surugoon na si Edward Partridge, asin nagpangaran sa saiya kan saiyang misyon sa kadagaang ini.
15 Pero kun siya dae magsosolsol kan saiyang mga kasalan, na iyo an daeng pagtubod asin kabulagan nin puso, tugutan siyang gumibong makapagdangog ta baka baya siya mahuhulog.
16 Hilnga an saiyang misyon ipinagtao sa saiya, asin ini dae na ipagtatao pa giraray.
17 Asin an siisay man an nagtitindog sa misyon na ini iyo an pinagngangaranan na magigin sarong huwes sa Israel, arog na ini siring kan suanoy na mga aldaw, tanganing bangaon an mga kadagaan kan mana nin Diyos para sa saiyang mga kaarakian;
18 Asin sa paghusga kan saiyang mga katawohan sa paagi kan testimonya nin mga husto, asin sa paagi nin katabangan kan saiyang mga konsehal, uyon sa mga leyes nin kahadean na ipinagtao na sa paagi kan mga propeta nin Diyos.
19 Nin huli ta Ako nagsasabi sa saindo, an sakuyang ley iyo an pagsusunudon sa kadagaang ini.
20 Tugutan na mayong tawong mag-iisip na siya iyo an magpapasunod; pero tugutan na an Diyos an magpasunod saiya na maghuhusga, uyon sa konseho kan saiyang kagustuhan, o sa ibang mga tataramon, saiya na nagpapagiromdom o nagtutukaw sa tukawan nin paghuhukom.
21 Tugutan na mayong tawo na makapagbalga nin mga leyes nin kadagaan, nin huli ta saiya na nagsusunod sa mga leyes nin Diyos dae na kaipo pang magbabalga nin mga leyes nin kadagaan.
22 Kumbaya, magin tagapagsunod sa mga may kapangyarihan na nagpapasunod, sagkod na siya makapaghade na an karapatan iyo ngani an paghahade, asin dadaogon an gabos na mga kaiwal na mapasa-irarom kan saiyang mga bitis.
23 Hilnga, an mga leyes na saindong pinagresibe gikan sa sakuyang kamot iyo an mga leyes kan simbahan, asin sa liwanag kaini kamo mamumugulan na gayo. Hilnga, uya an kadunungan.
24 Asin ngonyan, habang Ako nagtataram mapanungod sa sakuyang surugoon na si Edward Partridge, an kadagaan na ini iyo an kadagaan kan saiyang kaerokan, asin sainda na iyo an saiyang pinagngaranan para iyo an saiyang mga konsehal; asin man an kadagaan nin kaerokan niya na Ako an nagngaran tanganing atamanon an sakuyang kamaligan;
25 Kumbaya, tugutan sindang darahon an saindang mga pamilya pasiring sa kadagaan na ini, habang sinda nagpapagiromdom sa katawohan kan saindang mga sadire asin sakuya.
26 Nin huli ta hilnga, ini bakong kaayahayan na Ako dapat magsusugo sa gabos na mga bagay; nin huli ta saiya na pinagpirit sa gabos na mga bagay, iyo man sana an sarong hugakon asin bakong sarong madunungon na surugoon; kumbaya siya dae makakapagresibe nin pabuya.
27 Katotohanan Ako nagsasabi, an mga tawo dapat na magin maigot na magtrabaho sa sarong marahayon na kausa, asin maggibo nin kadakul na mga bagay sa saindang sadireng libreng kagustuhan, asin darahon na maglipas an grabeng katanosan.
28 Nin huli ta an kapangyarihan yaon sainda, na kun saen sinda mga ahente para sa saindang mga sadire. Asin habang an mga tawo maggigibo nin marahay sinda dae nanggad mawawaraan kan saindang mga pabuya.
29 Pero siya na dae naggigibo nin anuman na bagay sagkod na siya pagsugoon, asin nakaresibe nin sarong kasugoan na igwang puso na pano nin pagdududa, asin pinagsusunod ini na may kahugakan, iyo man sana iyan an kondenado.
30 Siisay baya Ako na naglalang nin tawo, nagsabi an Kagurangnan, na mangangaputan saiya na mayong kasalan na dae nagsusunod kan sakuyang mga kasugoan?
31 Siisay baya Ako, nagsabi an Kagurangnan, na nakapagpromisa asin dae nakapag-utob?
32 Ako nagsusugo asin an mga tawo dae nagsusunod; Ako nagbabawi asin sinda dae makaparesibe nin biyaya.
33 Pagkasunod sinda nagsasabi sa saindang mga puso: Ini bakong trabaho nin Kagurangnan, nin huli ta an saiyang mga promisa dae nagka-urutob. Pero herak man sa mga arog kaini, nin huli ta an saindang pabuya nakalatag na sa kairaroman, asin bakong naggigikan sa kaitaasan.
34 Asin ngonyan Ako matao sa saindo nin kadagdagan na mga direksiyon mapanungod kaining kadagaan.
35 Ini iyo an kadunungan sakuya na an sakuyang surugoon na si Martin Harris dapat na iyo an magin sarong halimbawa sa simbahan, na pinaghaya an saiyang mga kuwarta sa atubangan kan obispo nin simbahan.
36 Asin man, ini iyo an sarong ley para sa lambang tawo na nag-aarabot digde sa kadagaan tanganing magreresibe nin sarong kamanahan; asin siya maggigibo kaiba an saiyang mga kuwarta na uyon sa direksiyon kan ley.
37 Asin ini kadunungan man na dapat na magkaigwa nin mga kadagaan na pinagbakal sa Independence, para sa lugar kan kamaligan, asin man para sa harong kan imprintahan.
38 Asin an iba pang mga direksiyon mapanungod sa sakuyang surugoon na si Martin Harris ipagtatao sa saiya kan Espiritu, na tanganing siya puwedeng makapagresibe kan saiyang kamanahan na maninigong marahay para saiya.
39 Asin tugutan niyang makapagsolsol kan saiyang mga kasalan, nin huli ta siya naghahanap nin pag-omaw kan kinaban.
40 Asin man tugutan an sakuyang surugoon na si William W. Phelps na manindugan sa opisina na kun saen Ako an nagngaran saiya, asin magresibe kan saiyang kamanahan sa kadagaan;
41 Asin man siya kaipong gayo na magsosolsol, nin huli ta Ako, an Kagurangnan, dae nag-oogmang gayo sa saiya, nin huli ta siya naghahanap na makapagpangibabaw, asin siya bakong gayong mahuyo sa atubangan ko.
42 Hilnga, siya na nakapagsolsol kan saiyang mga kasalan, iyo man sana an pinagpatawad, asin Ako, an Kagurangnan, dae na makapaggiromdom sainda.
43 Sa paaging ini kamo makakaaram kun an sarong tawo nakapagsolsol na kan saiyang mga kasalan--- hilnga, siya magkukumpisal kan mga ini asin babayaanan an mga ini.
44 Asin ngonyan, katotohanan, Ako nagsasabi mapanungod sa katadaan nin mga elders kan sakuyang simbahan, an panahon dae pa nag-abot, nin huli ta kadakul na mga taon, para sainda na makapagresibe kan saindang kamanahan kaining kadagaan, laen lang na sinda nagmamawot kaini sa paagi nin pangadyeon nin pagtubod, siring na ini sana ipagngangaran sa sainda nin Kagurangnan.
45 Nin huli ta, hilnga, sinda manunulakan kan mga katawohan na magkaka-iribahan gikan sa mga katapusan kan kinaban.
46 Kumbaya, mag-asembliya kan saindong mga sadire na magkakatiripon-tipon; asin sinda na dae pinagngaranan na mag-eerok sa kadagaan na ini, tugutan sinda na magbabalangibog nin ebanghelyo sa mga rehiyon na nakapalibot; asin pagkatapos kaiyan tugutan sinda na makapagbalik sa saindang mga harong.
47 Tugutan sindang makapagbalangibog sa may dalan, asin magsabi nin patotoo kan katotoohan sa gabos na mga lugar, asin apudan an mayayaman, an sa itaas asin an sa ibaba, asin an pobre na magsolsol.
48 Asin tugutan sindang magtugdok nin mga simbahan, habang an mga para-erok kan kinaban magsosolsol.
49 Asin tugutan na magkaigwa nin sarong ahente na pagngangaranan sa paagi nin boses kan simbahan, para sa simbahan sa Ohio, na magreresibe nin mga kuwarta tanganing magbabakal nin mga kadagaan sa Sion.
50 Asin Ako matao sa sakuyang surugoon na si Sidney Rigdon nin sarong kasugoan, na siya magsusurat nin sarong deskripsiyon nin kadagaan kan Sion, asin nin sarong testamento nin kagustuhan kan Diyos, habang ini pinaghihimong pinagpapaaram sa paagi kan Espiritu sa saiya;
51 Asin sarong surat asin subskripsiyon, na ipagpapahiling para sa gabos na mga simbahan tanganing makapagkua nin mga kuwarta, na ipagpapamugtak pasiring sa mga kamot kan obispo, sa saiyang sadire o sa ahente, na sa paghuhuna niya marahay o sa saiyang pagmamando, tanganing magbabarakal nin mga kadagaan para sa sarong kamanahan para sa mga kaarakian nin Diyos.
52 Nin huli ta, hilnga, katotohanan Ako nagsasabi sa saimo, an Kagurangnan naggusto na an mga desipulos asin mga kaarakian nin mga tawo dapat na magbukas kan saindang mga puso, magin sa pagbabarakal kaining bilog na rehiyon kan nasyon, habang an panahon nagtutugot pa.
53 Hilnga, uyan an kadunungan. Tugutan sinda na gibohon ini ta baka sinda dae makakaresibe nin kamanahan, laen lang kun ini minapaagi sa pagpapabulos nin dugo.
54 Asin giraray, habang igwa pang kadagaan na makukua, tugutan na magkakaigwa nin mga trabahador na ipagpapadara sa gabos na mga klase pasiring kaining kadagaan, tanganing magtrabaho para sa mga banal nin Diyos.
55 Tugutan na an gabos kaining mga bagay paggigibohon sa kahusayan; asin tugutan an mga pribilihiyo kan mga kadagaan paghihimoon na maipagpapaaram sa pana-panahon, sa paagi kan obispo o kan ahente nin simbahan.
56 Asin tugutan na an pagtrabaho kan pagtitiripon-tipon dae dapat na pagmadalion, ni sa paagi nin paglupad; kundi tugutan ini na paggibohon habang ini pinagpapagiromdom kan mga elders kan simbahan sa mga kumperensiya, na uyon sa mga kaaraman na saindang pinagreresibe sa pana-panahon.
57 Asin tugutan an sakuyang surugoon na si Sidney Rigdon na konsagraron asin ipagdudulot ining kadagaan, asin an lugar para sa templo, para sa Kagurangnan.
58 Asin tugutan na mag-apod nin sarong kumperensiya; asin pagkatapos kaini tugutan na an sakuyang mga surugoon na sinda Sidney Rigdon asin Joseph Smith, Jun., na magbalik, asin man si Oliver Cowdery kaiba ninda, tanganing tapuson an katadaan kan trabaho na Ako an nagngaran sa sainda sa saindang sadireng kadagaan, asin sa mga katadaan na pagtutugutan sa paagi nin mga kumperensiya.
59 Asin dae pagtugutan an sarong tawo na magbalik gikan kaining kadagaan laen lang kun siya magpatotoo sa may dalan, kaidtong bagay na saiyang naaaraman asin bilog na kaseguruhan na pinaniniwalaan.
60 Tugutan na idtong bagay na pinagputong ki Ziba Peterson bawion hale saiya; asin tugutan siyang magtindog bilang sarong miyembro nin simbahan, asin magtrabaho sa saiyang sadireng mga kamot, kairiba an mga katugangan, sagkod na siya awad-awad nang pinagpapakulan para sa gabos niyang mga kasalan; nin huli ta siya nagkukumpisal kan mga ini, asin siya nag-iisip na pagtagoon an mga ini.
61 Tugutan na an katadaan kan mga elders kaining simbahan, na an iba sa sainda grabeng gayong pinagbendisyunan na mas halangkaw pa sa kasuklan, asin man magkaigwa nin sarong kumperensiya sa kadagaan na ini.
62 Asin tugutan an sakuyang surugoon na si Edward Partridge na iyo an magpamahala kan kumperensiya na paggigibohon nindo.
63 Asin tugutan man sinda na makabalik, nagbabalangibog kan ebanghelyo habang nasa may dalan, magpapatotoo kan mga bagay na ipinagpapahayag sa sainda.
64 Nin huli ta, katotohanan, an tanog kaipuhan na maipagwaras gikan sa lugar na ini pasiring sa bilog na mundo, asin pasiring sa painakasulok-sulukan na mga parte kan kinaban---an ebanghelyo kaipuhanan na maipagbalangibog sa lambang nilalang, na igwang mga senyales na nakasunod sa sainda na nagtutubod.
65 Asin hilnga an Ake nin Tawo maabot. Amen.

SEKSYON 57

Kapahayagan na ipinagtao sa paagi ki Joseph Smith an Propeta, sa Sion, Jackson Country, Missouri, Hulyo 20, 1831. HS 1:189-190. Sa pag-utob sa kasugoan nin Kagurangnan (Seksyon 52), an mga elders naglakbay gikan sa Kirtland pasiring sa Missouri na may manlaen-laen na mga eksperiyensiya asin kairibang korontrahan. Sa paghohorop-horop sa kamugtakan kan mga Lamanita asin sa kakulangan kan sibilisasyon, kapinuhan, asin relihiyon sa pag-iribahan nin mga katawohan sa pangkagabsan, an Propeta nagkurahaw sa maimbodon na pangadyeon: “Noarin an Sion itutugdok sa saiyang kamurawayan, asin saen patitindogon an saiyang Templo, na kun saen an gabos na mga nasyon makakatiripon-tipon sa mga huring aldaw?”Pagkasunod siya nagresibe kaining kapahayagan.
*******
1-3, Independence, Missouri, iyo an lugar para sa Siyudad nin Sion asin kan templo; 4-7, An mga banal kaipuhan na magbarakal nin mga kadagaan asin magresibe nin mga kamanahan sa lugar na idto; 8-16, Si Sidney Gilbert mag-establisa nin sarong tindahan, W.W. Phelps iyo an magigin para-imprinta, asin si Oliver Cowdery iyo an pararebisa kan mga materyal para sa publikasyon.
*******
MAGHINANYOG, O kamong mga elders kan sakuyang simbahan, nagsabi an Kagurangnan saindong Diyos, na iyo an nagtiripon kan saindong mga sadire na magkasararo, na uyon sa sakuyang mga kasugoan, sa kadagaan na ini, na iyo an kadagaan nin Missouri, na iyo an kadagaan na Ako an nagngaran asin nagkonsagra para sa pagkakasararo kan mga banal.
2 Kumbaya, iyo ini an daga nin promisa, asin an lugar para sa siyudad nin Sion.
3 Asin kaya nagsabi an Kagurangnan saindong Diyos, kun kamo magreresibe nin kadunungan uya an kadunungan. Hilnga, an lugar na ngonyan pinag-apud na Independence iyo an sentrong lugar; asin sarong lugar para sa templo nakalatag sa may sulnupang parte, sa sarong lote na bakong harayo gikan sa pagharongon kan korte.
4 Kumbaya, ini kadunungan na an kadagaan pagbabakalon kan mga banal, asin man an lambang lote na nakalatag sa may sulnupang parte, magin sagkod sa linya na direktang nakaguhit sa katahawan kan Hudiyo asin Hentil;
5 Asin man an lambang lote na nagsasagkod sa mga kaparangan, habang an sakuyang mga desipulos may kakayahan na magbakal nin mga kadagaan. Hilnga, uya an kadunungan, na tanganing saindang masadire ini bilang sarong daeng katapusan na kamanahan.
6 Asin tugutan an sakuyang surugoon na si Signey Gilbert na magtindog sa opisina na kun saen Ako an nagngaran saiya, na magreresibe nin mga kuwarta, na magin ahente para sa simbahan, sa pagbabakal nin mga kadagaan sa bilog na rehiyon na nakapalibot, habang ini maggigibo sa katanosan, asin habang an kadunungan iyo an magdidirekta.
7 Asin tugutan an sakuyang surugoon na si Edward Partridge na magtindog sa opisina na kun saen Ako an nagngaran saiya, asin magbabaranga-banga sa mga banal kan saindang mga kamanahan, magin siring sa Ako an nagsugo; asin man sa sainda na siya an nagngaran sa pagtabang saiya.
8 Asin giraray, katotohanan Ako nagsasabi sa saindo, tugutan na an sakuyang surugoon na si Sidney Gilbert na itanom an saiyang sadire sa lugar na ini, asin mag-establisa nin sarong tindahan, na siya puwedeng makapagtinda nin mga paninda na mayong panlilinlang, na tanganing siya puwedeng makapagkua nin kuwarta sa pagbabakal nin mga kadagaan para sa karahayan kan mga banal, asin tanganing siya mapupuwedeng makapagkua nin anuman na mga bagay na an mga desipulos kaipuhan sa pagtatanom ninda sa saindang kamanahan.
9 Asin man tugutan na an sakuyang surugoon na si Sidney Gilbert na makapagkua nin sarong lisensiya---hilnga uya an kadunungan, asin an siisay man na puwedeng makapagbasa tugutan siyang makasabot---na tanganing siya puwedeng makapagpadara nin mga paninda para sa mga katawohan, magin sa kiisay man na siya magusto bilang mga klerigong empleyado sa saiyang serbisyo;
10 Asin kaya magtao para sa sakuyang mga banal, na tanganing an sakuyang ebanghelyo mapupuwedeng maipagbalangibog sa sainda na yaon nakaturukaw sa kadikloman asin sa rehiyon asin sa anino nin kagadanan.
11 Asin giraray, katotohanan Ako nagsasabi sa saindo, tugutan an sakuyang surugoon na si William W. Phelps na maitanom sa lugar na ini, asin maipag-establisa bilang sarong para-imprinta para sa simbahan.
12 Asin baya, kun an mundo magreresibe kan saiyang mga sinurat---hilnga uya an kadunungan---tugutan siyang makapagkua nin anuman na saiyang makukua sa katanosan, para sa karahayan kan mga banal.
13 Asin tugutan an sakuyang surugoon na si Oliver Cowdery na magtabang saiya, magin siring sa Ako an nagsugo, asin sa anuman na lugar na Ako an magngangaran sa saiya, sa pagkokopya asin sa pagkokorek, asin pagpipili, na tanganing an gabos na mga bagay mapupuwedeng magin tama sa atubangan ko, siring na ini mapapatunayan kan Espiritu sa paagi niya.
14 Asin kaya tugutan sinda na Ako nakapagtaram na maitanom sa kadagaan nin Sion, siring sa hidaling makakayanan, kaiba an saindang mga pamilya, sa paggibo kaidtong mga bagay na magin siring sa Ako an nakapagtaram.
15 Asin ngonyan mapanungod sa pagtitiripon-tipon---tugutan an obispo asin an ahente na maghimo nin mga preparasyon para sa mga pamilya na pinagsugo na magpasiring sa kadagaan na ini, sa lalong madalion na panahon, asin itanom sinda sa saindang kamanahan.
16 Asin sa katadaang pareho kan mga elders asin mga miyembro an mga kadagdagang direksiyon ipagtatao na sana magpoon ngonyan. Arog kaini. Amen.

SEKSYON 56

Kapahayagan na ipinagtao sa paagi ni Joseph Smith an Propeta, sa Kirtland, Ohio, Hunyo 1831. HS 1:186-188. Si Ezra Thayre, na pinagngaranan na maglakbay pasiring sa Missouri kaiba ni Thomas B. Marsh (52:22), dae nakapagpoon kan saiyang misyon kan an huri naka-andam na. Si Elder Thayre dae nakapag-andam na magpaduman sa saiyang paglalakbay nin huli kan saiyang pagkasangkot sa mga problema sa Thomson, Ohio. Hilngon sa pamayuhan kan Seksyon 54. An Kagurangnan nagsimbag sa kahaputan kan propeta sa bagay na ini sa paagi kan pagtao kaining kapahayagan.
*******
1-2, An mga banal kaipong magdara kan saindang krus asin magsunod sa Kagurangnan tanganing makaguno nin kaligtasan; 3-13, An Kagurangnan nagsusugo asin nagbabawi, asin an suwail pagsisikwalon; 14-17, Herak man sa mayaman na dae nagtatabang sa pobre, asin herak man sa pobre na an mg apuso dae nababagbag; 18-20, Paladan an mga pobre na may purong puso, nin huli ta sinda magmamana kan kinaban.
*******
MAGHINANYOG, O kamong mga katawohan na nagbabantog sa sakuyang pangaran, nagsabi an Kagurangnan saindong Diyos; nin huli ta hilnga, an sakuyang anggot nagsindi kontra sa mga sutil, asin sinda makakaaram kan sakuyang takyag asin kan sakuyang kapung-otan, sa aldaw kan pagbisita asin kaanggutan sa mga nasyon.
2 Asin siya na habong magdara kan saiyang krus asin magsunod sako, asin magsunod sa sakuyang mga kasugoan, iyo man sana an dae maliligtas.
3 Hilnga, Ako, an Kagurangnan, nagsusugo; asin siya na dae magsunod ipagsisikwal sa sakuyang sadireng panahon, pagkatapos na Ako nakapagsugo asin an kasugoan pinagbalga.
4 Kumbaya Ako, an Kagurangnan, nagsusugo asin nagbabawi, na sa paghiling ko marahay; asin an gabos na ini paninimbagan sa mga payo kan mga sutil, nagsabi an Kagurangnan.
5 Kumbaya, Ako nagbabawi sa kasugoan na ipinagtao sa sakuyang mga surugoon na sinda Thomas B. Marsh asin Ezra Thayre, asin matao nin sarong kasugoan sa sakuyang surugoon na si Thomas, na siya gumibo kan saiyang paglakbay nin hidali pasiring sa kadagaan kan Missouri, asin sa sakuyang surugoon na si Selah J. Griffin dapat na mag-iba man saiya.
6 Nin huli ta hilnga, Ako nagbabawi sa kasugoan na ipinagtao sa sakuyang mga surugoon na si Selah J. Griffin asin Newel Knight, bilang konsekuwensiya kan katisoan nin mga liog kan sakuyang mga katawohan na yaon sa Thompson, asin sa saindang mga kasutilan.
7 Kumbaya, tugutan an sakuyang surugoon na si Newel Knight mawalat na kairiba ninda; asin habang may kadakul an makikiiba puwedeng paibahon, na nagsosolsol sa atubangan ko, asin pangenotan niya pasiring sa kadagaan na Ako an nagngaran.
8 Asin giraray, katotohanan Ako nagsasabi sa saindo an sakuyang surugoon na si Ezra Thayre magsolsol kan saiyang kapaabaw-abawan, asin kan saiyang pagkamakasadire, asin magsunod sa dating kasugoan na Ako an nagtao saiya manunungod sa lugar na kun saen siya mamumuhay.
9 Asin kun saiyang gigibohon ini, habang dae pa nagkakaigwa nin mga pagkakabarangaan na ginigibo sa kadagaan, siya pinagngangaranan pa man na magpaduman sa kadagaan kan Missouri;
10 Ta kun bako siya magreresibe kan kuwarta na saiyang pinagbayad, asin maghale sa lugar, asin pagsisikwalon paluwas sa sakuyang simbahan, nagsabi an Kagurangnan Diyos nin mga hukbo;
11 Asin maski na ngani an langit asin an daga maglipas, ining mga tataramon dae nanggad maglilipas, kundi mauutob.
12 Asin kun an sakuyang surugoon na si Joseph Smith, Jun., kaipuhanan na magbayad nin kuwarta, hilnga, Ako, an Kagurangnan, magbabayad kaini sa saiya giraray sa kadagaan kan Missouri, na sainda kun saen siya magreresibe puwedeng pabuyaan giraray uyon duman sa saindang naginibohan;
13 Nin huli ta uyon duman sa saindang naginibohan sinda makakaresibe, magin duman sa kadagaan na saindang kamanahan.
14 Hilnga, kaya nagsabi an Kagurangnan sa sakuyang mga katawoahn--- kamo igwa nin kadakul na mga bagay na magigibo asin pagsosolsolan; nin huli ta hilnga, an saindong mga kasalan nakaabot na paitaas sa sakuya, asin dae pa pinagpapatawad, nin huli ta kamo naghahanap sa pag-antabay sa saindong sadireng mga dalan.
15 Asin an saindong mga puso mayong kakontentuhan. Asin kamo dae nagsusunod sa katotoohan, kundi igwa nin kaogmahan sa bakong matatanos.
16 Heram man saindo na mayayamang mga tawo, na habong magtao kan saindang kakayanan sa pobre, nin huli ta an saindong mga kayamanan iyo an magkakalawang sa saindong mga kalag; asin iyo ini an saindong kamomondoan sa aldaw nin pagbibisita, asin kan paghuhukom, asin kan kapong-otan: An pag-aani, nakaagi na, an tag-init natapos na, asin an sakuyang kalag bakong ligtas!
17 Herak man saindo na pobreng mga tawo, na an mga puso dae nababagbag, an an mg aespiritu dae pa nagsosolsol, asin an mga tulak dae nababasog, asin an mga kamot dae nag-uuntok sa pagkukua nin mga bagay na pagsadire kan ibang tawo, na an mga mata napapano nin kasakiman, asin habong magtrabaho sa sadire nindong mga kamot!
18 Pero paladan an mga pobre na puro an puso, na an saindang mga puso nababagbag, asin an saindang mga espiritu nagsosolsol, nin huli ta saindang mahihiling an kahadean nin Diyos na maabot sa kapangyarihan asin dakulang kamurawayan para sa saindang kaligtasan; nin huli ta an katabaan nin kinaban mapapasainda.
19 Nin huli ta hilnga, an Kagurangnan maabot, asin an saiyang kabayadan yaon sa saiya, asin siya magpapabuya sa lambang tawo, asin an pobre mag-oogma;
20 Asin an saindang mga henerasyon magmamana kan kinaban gikan sa sarong henerasyon hanggan sa sarong henerasyon, sagkod pa man. Asin ngonyan Ako mahimong tapuson na an sakuyang pagtataram sa saindo. Arog kaini. Amen.

SEKSYON 55

Kapahayagan na ipinagtao sa paagi ni Joseph Smith an Propeta para ki William W. Phelps, sa Kirtland, Ohio, Hunyo 1831. HS 1:184-186. Si William W. Phelps, sarong para-imprenta, asin an saiyang pamilya minaabot pa sana sa Kirtland, asin an Propeta naghapot sa Kagurangnan nin impormasyon manunungod saiya.
*******
1-3, Si W.W. Phelps pinag-apod asin pinagpili tanganing pagbubunyagan; pag-oordinahan bilang sarong elder, asin magbabalangibog kan ebanghelyo; 4, Siya man magsusurat nin mga libro para sa mga kaarakian na yaon sa mga eskuwelahan kan simbahan; 5-6, Siya maglalakbay pasiring sa Missouri, na iyo an magigin lugar kan saiyang mga pagtatrabaho.
******
HILNGA, kaya nagsabi an Kagurangnan sa saimo sakuyang surugoon William, iyo, an Kagurangnan kan bilog na kinaban, ika pinag-apudan asin pinili; asin pagkatapos na ika pinagbunyagan sa paagi nin tubig, na kun saimong ginibo na may matang nakaputitok sa sakuyang kamurawayan, ika magkakaigwa nin sarong kapatawaran kan saimong mga kasalan asin sarong kaakuan kan Banal na Espiritu sa paagi kan pagpapatong nin mga kamot;
2 Asin pagkasunod ika pag-oordinahan sa paagi kan kamot kan sakuyang surugoon na si Joseph Smith, Jun., na magin sarong elder kaining simbahan, na magbabalangibog nin pagsosolsol asin kapatawaran nin mga kasalan sa paagi nin pagpapabunyag sa pangaran ni JesuCristo, an Ake kan buhay na Diyos.
3 Asin sa kiisay man na ika magpapatong kan saimong mga kamot, kun sinda nagsosolsol sa atubangan ko, ika magkakaigwa nin kapangyarihan na magtao nin Banal na Espiritu.
4 Asin giraray, ika pag-oordinahan na magtatabang sa sakuyang surugoon na si Oliver Cowdery na gibohon an trabaho nin pag-iimprinta, asin sa pagpipili asin pagsusurat nin mga libro para sa mga eskuwelahan kaining simbahan, na tanganing an saradit na kaarakian man puwedeng makaresibe nin instruksiyon sa atubangan ko siring na ini madahumon sa sakuya.
5 Asin giraray, katotohanan Ako nagsasabi sa saimo, nin huli kaining kausa ika gumibo kan saimong paglalakbay kaiba kan sakuyang mga surugoon na sinda Joseph Smith, Jun., asin Sidney Rigdon, na tanganing ika puwedeng maitanom sa kadagaan kan saimong kamanahan tanganing gibohon ining trabaho.
6 Asin giraray, tugutan an sakuyang surugoon na si Joseph Coe na gibohon man an saiyang paglalakbay kaiba ninda. An katadaan ipagpapaaram na sana pagkatapos ngonyan, siring na Ako an nagboot. Amen.

SEKSYON 54

Kapahayagan na ipinagtao sa paagi ni Joseph Smith an Propeta para ki Newel Knight, sa Kirtland, Ohio, Hunyo 1831. HS 1:180-181. An mga miyembro kan Simbahan sa sangay kan Thompson, Ohio, nagkakabaranga sa mga kahaputan na mapanungod sa konsagrasyon kan mga pagsadire. An pagka-makasadire asin kasakiman iyo an nakamanipesto, asin si Leman Copley nagbalga kan saiyang tipan na konsagraron an saiyang dakulaon na umahan bilang sarong lugar nin kamanahan para sa mga banal na mag-aarabot hale sa Colesville, New York. Ezra Thayre, imbuwelto man sa kontrobersiya. Bilang sarong konsekuwensiya, si Newel Knight (Presidente kan Sangay kan Thompson) asin ibang mga elders nagdulok sa Propeta na naghahapot kun paano magpapadagos. An Propeta naghapot sa Kagurangnan asin nagresibe kaining kapahayagan. Hilngon man sa Seksyon 56, na iyo an sarong kadagusan kaining bagay.
*******
1-6, An mga banal kaipuhan na magsunod sa tipan kan ebanghelyo tanganing makaguno nin pagkaherak; 7-10, Sinda kinakaipuhan na magin mapagpasensiya sa panahon nin pagsasakit.
*******
HILNGA, kaya nagsabi an Kagurangnan, na iyo an Alpha asin Omega, an kapinunan asin an katapusan, na iyo siya na ipinako sa krus para sa mga kasalan kan kinaban---
2 Hilnga, katotohanan, katotohanan, Ako nagsasabi sa saimo, sakuyang surugoon na si Newel Knight, ika dapat na maninindugan sa opisina kun saen Ako an nagngaran saimo.
3 Asin kun an saimong mga katugangan nagmamawot na mag-eskapo sa saindang mga kaiwal, tugutan sindang magsosolsol kan gabos nindang mga kasalan, asin magin tunay na magpakumbaba sa atubangan ko asin nagsosolsol.
4 Asin habang an tipan na saindang pinaghimo sa sakuya pinagbalga, arog kaini ini nagin mayong kamnungdanan asin mayong epekto.
5 Asin herak man saiya na kun saen ining kasalanan naggikan, nin huli ta ini kuta na mas marahay para saiya na pinaglamos na sana sa kairaroman nin dagat.6 Pero paladan sinda na nagsusunod sa tipan asin nag-obserba kan kasugoan, nin huli ta sinda magkakaigwa nin pagkaherak;
7 Kumbaya, magpaduman ka ngonyan asin magdulag sa kadagaan, baka an saimong mga kaiwal magdudulok sa saimo; asin gibohon an saimong paglalakbay, asin magngaran nin siisay man na iyo an magigin saimong lider, asin magbabayad nin mga kuwarta para saimo.
8 Asin kaya ika gibohon na maglalakabay pasiring sa rehiyon sa parteng sulnupan, paduman sa kadagaan nin Missouri, pasiring sa mga kasagkoran kan mga Lamanita.
9 Asin pagkatapos na saimong naggibo an paglalakbay, hilnga, Ako nagsasabi sa saimo, maghanap ka nin mapagkabuhayan na siring sa mga tawo, sagkod na Ako makapag-andam na nin sarong lugar para saimo.
10 Asin giraray, magin mapagpasensiya sa panahon nin pagsasakit sagkod na Ako mag-abot; asin, hilnga, Ako maabot nin hidali, asin an sakuyang pabuya yaon sakuya, asin sinda na naghahanap sako nin amay makakanagbo nin kapahingaloan sa saindang mga kalag. Arog kaini. Amen.

SEKSYON 53

Kapahayagan na ipinagtao sa paagi ni Joseph Smith an Propeta para ki Algernon Sidney Gilbert, sa Kirtland, Ohio, Hunyo 1831. HS 1:179-180. Sa kahagadan ni Sidney Gilbert, an Propeta naghapot sa Kagurangnan manunungod sa trabaho ni Brader Gilbert asin gigibohon sa laog kan Simbahan.
*******
1-3, An kapangapudan para ki Sidney Gilbert asin kapilian sa laog kan Simbahan iyo na pag-oordinahan bilang sarong elder; 4-7, Siya man magsisirbe bilang sarong ahente kan Obispo.
*******
HILNGA, Ako nagsasabi sa saimo, sakuyang surugoon Sidney Gilbert, na Ako nakadangog sa saimong mga pangadyeon; asin ika nakapag-apod sa sakuya na ini dapat gibohon na maipaaram sa saimo, kan Kagurangnan saimong Diyos, manunungod sa saimong kapangapudan asin kapilian sa laog kan simbahan, na Ako, an Kagurangnan, pinagbangon sa mga huring aldaw na ini.
2 Hilnga, Ako, an Kagurangnan, na ipinako sa krus para sa mga kasalan kan kinaban, nagtatao saimo nin sarong kasugoan na saimong pagtalikudan an kinaban.
3 Darahon mo an sakuyan ordinasyon, magin sarong elder, tanganing magbabalangibog nin pagtubod asin pagsosolsol asin kapatawadan kan mga kasalan, uyon sa sakuyang tataramon asin sa pag-ako kan Banal na Espiritu sa paagi kan pagpapatong nin mga kamot;
4 Asin man magin sarong ahente kaining simbahan sa lugar na ipagsasabi kan Obispo, uyon sa mga kasugoan na ipagtatao magpoon ngonyan.
5 Asin giraray, katotohanan Ako nagsasabi sa saimo, ika gumibo kan saimong paglalakbay kaiba kan sakuyang mga surugoon na sinda Joseph Smith, Jun., asin Signey Rigdon.
6 Hilnga, iyo ini an mga enot na mga ordinansa na saimong mareresibe; asin an katadaan ipagpapaaram na sana sa sarong panahon na maabot, na uyon sa saimong pagtatrabaho sa sakuyang ubasan.
7 Asin giraray, Ako nagmamawot na kamo dapat na makanuod na siya iyo sana an makakaligtas na tawong nagin matatagon sagkod sa katapusan. Arog kaini. Amen.

SEKSYON 52

Kapahayagan na ipinagtao sa paagi ni Joseph Smith an Propeta, sa mga elders kan Simbahan, sa Kirtland Ohio, Hunyo 7, 1831. HS 1:175-179. Sarong kumperensiya an pinaggibo sa Kirtland, magpoon sa ikatulo, asin matapos sa ika-anom nin Hunyo. Sa kumperensiyang ini an enot na mga distinktibong ordinasyon sa opisina kan halangkaw na pagkasaserdoteng pinaghimo, asin an mga manipestasyon nin palso asin madayang mga espiritu namangnuhan asin pinagsaway.
*******
1-2, An sunod na kumperensiya designadong gigibohon sa Missouri; 3-8, Pagngangaran kan mga elders na magbibiyahe sa pag-iriba pinaghimo; 9-11, An mga elders magtutukdo kun ano an pinasurat kan mga apostol asin mga propeta; 12-21, Sinda na pinagbangrawan sa paagi kan Espirity magbubunga nin mga prutas nin pag-omaw asin kadunungan; 22-44, Kadakul na mga elders pinagngaranan na magbiyahe sa pagbabalangibog nin ebanghelyo, habang nagbibiyahe pasiring sa Missouri para sa kumperensiya.
*******
Hilnga, kaya nagsabi an Kagurangnan sa mga elders na saiyang pinag-apudan asin pinagpili para kaining mga huring aldaw, sa paagi kan boses nin saiyang Espiritu---
2 Nagsasabi: Ako, an Kagurangnan, hihimoon na ipagpapasabot sa saindo kun ano an sakuyang kagustuhan na tanganing kamo maggigibo magpoon ngonyan na panahon sagkod sa sunod na kumperensiya, na paggigibohon sa Missouri, duman sa kadagaan, na sakuyang kokonsagrahon para sa sakuyang mga katawohan, na sarong katadaan ni Jacob, asin sinda na mga paramana uyon sa tipan.
3 Kumbaya, katotohanan Ako nagsasabi sa saindo, tugutan na an sakuyang surugoon na si Joseph Smith, Jun., asin Sidney Rigdon gibohon an saindang pagbiyahe matapos na makapag-andam sinda nin hidali sa gigibohon na paghale sa saindang mga harong, asin sa pagbiyahe pasiring sa kadagaan nin Missouri.
4 Asin habang sinda pano nin pagtubod sa sakuya, ini ipagpapasabot sa sainda na kun ano an saindang gigibohon;
5 Asin ini man, habang sinda pano nin pagtubod, ipagpapasabot sa sainda an kadagaan nin saindang kamanahan.
6 Asin habang sinda dae nagin pano nin pagtubod, sinda pagsisikwalon, siring na ako an may kagustuhan, na uyon sa paghuna kong marahay.
7 Asin giraray, katotohanan ako nagsasabi sa saindo, tugutan na an sakuyang surugoon na si Lyman Wight asin an sakuyang surugoon na si John Corrill gibohon an saindang pagbiyahe na may paghihidali;
8 Asin man an sakuyang surugoon na si John Murdock, asin an sakuyang surugoon na si Hyrum Smith, gibohon an saindang pagbiyahe pasiring sa kaparehong lugar na maagi sa Detroit.
9 Asin tugutan sindang maglakbay magpoon ngonyan na magbabalangibog nin tataramon habang yaon sa dalan, na mayong ibang pagsasabihon kundi an mga bagay na an mga propeta asin mga apostoles an nagsurat, asin idtong mga bagay na pinagtukdo sainda kan Tagapaglinga sa paagi nin pangadyeon nin pagtubod.
10 Tugutan sinda na magpaduman sa ibahan nin manduwa-duwa, asin kaya tugutan sinda na magbabalangibog sa may dalan sa lambang kongregasyon, magbubunyag sa tubig, asin magpapatong kan mga kamot sa may gilid kan tubig.
11 Nin huli kaini kaya nagsabi an Kagurangnan, Ako magpuputol kan sakuyang trabaho nin halipot sa katanosan, nin huli ta an mga aldaw maabot na Ako magpapadara paluwas nin paghuhukom pasiring sa kapangganahan.
12 Asin tugutan na an sakuyang surugoon na si Lyman Wight na mag-ingat, nin huli ta si Satanas nagmamawot na gustayon siya na siring sa apa.
13 Asin hilnga, siya na sarong pano nin pagtubod paghihimoon na magin tagapagpamahala sa kadakulon na mga bagay.
14 Asin giraray, Ako magtatao sa saindo nin sarong pangarugan sa gabos na mga bagay, na tanganing kamo dae nanggad madadaya; nin huli ta si Satanas yaon sa harayong kadagaan, asin siya nagparaduman sa pagdadaya nin mga nasyon.
15 Kumbaya siya na nagpapangadye, na an saiyang espiritu nagsosolsol, iyo man sana an inaako ko kun siya nagsusunod sa sakuyang mga ordinansa.
16 Siya na nagtataram, na an saiyang espiritu nagsosolsol, na an lenguwahe mahuyoon asin pinagpakusog, iyo man sana an yaon sa Diyos kun siya nagsusunod sa sakuyang mga ordinansa.
17 Asin giraray, siya na nagkukubog-kubog sa irarom kan sakuyang kapangyarihan paggigibohon na magin makusog, asin magdadarang gayo nin mga bunga nin pag-omaw asin kadunungan, uyon sa mga kapahayagan asin mga katotoohan na Ako an nagtao saindo.
18 Asin giraray, siya na nadaog asin dae makapagdarang mga bunga, na uyon kaining paagi, bakong sakuya.
19 Kumbaya, sa arog kaining paagi kamo makakaaram sa mga espiritu sa gabos na mga kaso sa irarom kan bilog na mga kalangitan.
20 Asin an mga aldaw mag-aarabot; na uyon sa pagtubod nin mga tawo ini paggigibohon sa sainda.
21 Hilnga, ini kasugoan na pinagtao sa gabos na mga elders na Ako an nagpili.
22 Asin giraray, katotohanan Ako nagsasabi sa saindo, tugutan na an sakuyang surugon na si Thomas b. Marsh asin an sakuyang surugoon na si Ezra Thayre na gibohon man an saindang paglakbay magbabalangibog kan tataramon sa may dalan pasiring kaining parehong kadagaan.
23 Asin giraray, tugutan na an sakuyang surugoon na sinda Isaac Marley asin Ezra Booth gibohon an saindang paglalakbay, magbabalangibog man kan tataramon sa may dalan pasiring kaining kaparehong kadagaan.
24 Asin giraray, tugutan na an sakuyang mga surugoon na sinda Edward Partridge asin Martin Harris gibohon an saindang paglalakbay kairiba kan sakuyang mga surugoon na sinda Sidney Rigdon asin Joseph Smith, Jun.,
25 Tugutan na an sakuyang mga surugoon na sinda David Whitmer asin Harvey Whitlock gibohon man an saindang paglalakabay, asin magbabalangibog sa may dalan pasiring kaining kaparehong kadagaan.
26 Asin tugutan an sakuyang mga surugoon na sinda Parley P. Pratt asin Orson Pratt na gibohon an saindang paglalakbay, asin magbabalangibog sa may dalan, magin pasiring kaining kaparehong kadagaaan.
27 Asin tugutan an sakuyang mga surugoon na sinda Salomon Hancock asin Simeon Carter na gibohon man an saindang paglalakbay pasiring kaining kaparehong kadagaan, asin magbabalangibog sa may dalan.
28 Tugutan an sakuyang mga surugoon na sinda Edson Fuller asin Jacob Scott na gibohon man an saindang paglalakbay.
29 Tugutan an sakuyang mga surugoon na sinda Levi W. Hancock asin Zebedee Coltrin na gibohon man an saindang paglalakbay.
30 Tugutan an sakuyang mga surugoon na sinda Reynolds Cahoon asin Samuel H. Smith na gibohon man an saindang paglalakbay.
31 Tugutan an sakuyang mga surugoon na sinda Wheeler Baldwin asin William Carter na gibohon man an saindang paglalakbay.
32 Asin tugutan an sakuyang mga surugoon na sinda Newel Knight asin Selah J. Griffin na parehong pag-ordinahan, asin gibohon man an saindang paglalakbay.
33 Iyo, katotohanan Ako nagsasabi, tugutan gabos sinda na gibohon an saindang paglalakbay pasiring sa sarong lugar, sa saindang nagkapirang mga padumanan, asin an sarong tawo dae magtutugdok sa ibabaw kan ibang pundasyon, ni maglakbay sa ibang agihan.
34 Siya na pano nin pagtubod, iyo man sana an pangungurugon asin pagbebendisyunan na may grabeng bunga.
35 Asin giraray, Ako nagsasabi sa saindo, tugutan an sakuyang mga surugoon na sinda Joseph Wakefield asin Solomon Humphrey na gibohon an saindang paglalakbay pasiring sa may sirangan na mga kadagaan;
36 Tugutan sindang magtrabaho kaiba an saindang mga pamilya, na magdedeklara nin mayong ibang bagay kundi manunungod sana sa mga propeta asin mga apostoles, idtong mga bagay na saindang nagkahiriling asin nagkadarangog asin an pinakaseguradong pinagtubod, na tanganing an mga propesiya mapupuwedeng magkaka-urutob.
37 Sa konsekuwensiya kan paglapas, tugutan na idtong bagay na pinagputong ki Heman Basset bawion gikan saiya, asin ipagtao sa payo ni Simonds Ryder.
38 Asin giraray, katotohanan Ako nagsasabi sa saindo, tugutan si Jared Carter na pag-ordinahan bilang sarong pade, asin man si George James na pag-ordinahan bilang sarong pade.
39 Tugutan na an katadaan kan mga elders iyo an magbabantay kan mga simbahan, asin madedeklara nin tataramon sa mga rehiyon na nakapalibot sainda; asin tugutan sinda na magtrabaho sa saindang sadireng mga kamot na dae magkaigwa nin idolatriya ni karigsokan na pinaggigibo.
40 Asin giromdoma sa gabos na mga bagay an pobre asin nangangaipo, may helang asin nagsasakit, nin huli ta siya na dae naggigibo kaining mga bagay, iyo man sana an bako kong desipulo.
41 Asin giraray, tugutan an sakuyang mga surugoon na sinda Joseph Smith, Jun., asin Sidney Rigdon asin Edward Partridge na magdara sinda nin sarong rekomendasyon gikan sa simbahan. Asin tugutan na magkaigwa nin saro man para sa sakuyang surugoon na si Oliver Cowdery.
42 Asin kaya, siring an Ako nagsabi, kun kamo pano nin pagtubod saindong pagtitiripon-tiponon an saindong mga sadire na magkasararo tanganing magka-orogma sa kadagaan nin Missouri, na iyo an kadagaan kan saindong kamanahan, na iyo ngonyan an kadagaan kan saindong mga kaiwal.
43 Pero, hilnga, Ako, an Kagurangnan, paghihidalion an siyudad sa panahon kaini, asin pagkokoronahan an pano nin pagtubod na may kaogmahan asin may pag-oorogmahan.
44 Hilnga, Ako si JesuCristo, an Ake nin Diyos, asin Ako an magpapa-angat sainda paitaas sa huring aldaw. Arog kaini. Amen.

SEKSYON 51

Kapahayagan na ipinagtao sa paagi ki Joseph Smith Jr. an Propeta, sa Thomson, Ohio, Mayo 1831. HS 1:173-174. Sa panahon na ini an mga banal nagbabaralyo nin eestaran hale sa mga estado kan sirangan na nagpoon na mag-arabot sa Ohio, asin ini nagin kaipuhan na maghimo nin maninigong paghusay para sa saindang pag-eerokan. An arog kaining gibohon kabaleng gayo partikularmente sa opisina kan Obispo. Si Obispo Edward Partridge naghagad nin instruksiyon sa bagay na ini, asin an Propeta naghapot sa Kagurangnan.

*******
1-8, Si Edward Partridge iyo an pinagngaranan na iyo an magpapasunod sa pagpapamahala asin mga propriyedades; 9-12, An mga banal dapat makipag-olay nin honesto asin makaresibeng pareho; 13-15, Sinda dapat na magkakaigwa nin sarong imbakan kan Obispo asin an mag-organisa kan mga propriyedades na uyon sa ley nin Kagurangnan; 16-20, An Ohio iyo an temporaryong pagtitiripon-tiponan na lugar.
*******
MAGHINANYOG kamo sako, nagsabi an Kagurangnan saindong Diyos, asin Ako an magsasabi sa sakuyang surugoon na si Edward Partridge, asin ipagtatao sa saiya an mga direksiyon; nin huli ta ini kinakaipuhang gayo na siya magresibe nin mga direksiyon kun papan-ohon an pag-oorganisa kaining mga katawohan.
2 Nin huli ta ini kinakaipuhang gayo na sinda ma-organisa na uyon sa sakuyang mga ley; ta kun sa iba, sinda pagpuputulon.
3 Kumbaya, tugutan an sakuyang surugoon na si Edward Partridge asin sa iba man na saiyang nagkapirili, na sainda Ako na-oogmang gayo, ipagpangaran kaining mga katawohan an saindang mga kaherasan, an lambang tawo pararehas uyon sa saiyang pamilya, uyon sa saiyang mga sirkumstansiya asin sa saiyang mga kaipuhanan asin mga pangangaipo.
4 Asin tugutan an sakuyang surugoon na si Edward Partridge, kun soarin siya magngangaran sa sarong tawo kan saiyang kaherasan, ipagtatao sa saiya an sarong kasuratan na magpapaseguro sa saiya sa saiyang kaherasan, na saiyang pangangaputan ini, maski ining deretso asin ining kamanahan sa simbahan, sagkod na siya makapaglapas asin bako nang maninigong maninimbagan sa paagi kan boses nin simbahan, uyon sa mga ley asin mga tipan kan simbahan, na kabale sa simbahan.
5 Asin kun siya maglalapas asin bako nang maninigong maninimbagan sa kabale sa simbahan, siya dae magkakaigwa nin kapangyarihan na pag-aakoon ining kaherasan na saiyang pinagkonsagra sa Obispo para sa pobre asin nangangaipo kan sakuyang simbahan; kun kaya, siya dae mangangaputan sa regalo, kundi magkakaigwa sana nin kaakoan sa kaherasan na ining pinagdus-og sa saiya.
6 Asin kaya an gabos na mga bagay paghihimoong segurado, uyon sa mga ley nin kadagaan.
7 Asin tugutan idtong pinagsasadirihan kaining mga katawohan na ipagngangaran kaining mga katawohan.
8 Asin an kuwarta na pagsasadire kaining mga katawohan--- tugutan baya na magkakaigwa nin saroang ahente na pagngangaranan para kaining mga katawohan, na kukuahon an kuwarta tanganing makapagtao nin pagkakan asin pagbado, na uyon sa mga kaipuhan kaining mga katawohan.
9 Asin tugutan na an lambang tawo makikipagsaraysay nin honesto asin magin arog sa pag-iriba kaining mga katawohan, asin magreresibe nin parehas, na tanganing kamo magin saro, siring na Ako an nagsugo saindo.
10 Asin tugutan idto na kabale kaining mga katawohan na dae nanggad magpapadara asin maipagtao sa ibang simbahan.
11 Kumbaya, kun an ibang simbahan magreresibe nin kuwarta kaining simbahan, tugutan sindang magbayad sa simbahan na ini giraray nauyon sa saindang napagkakasundoan;
12 Asin ini paggigibohon sa paagi kan Obispo o sa ahente, na pagngangaranan sa paagi kan boses nin simbahan.
13 Asin giraray, tugutan na an Obispo an magngangaran nin sarong camalig para kaining simbahan; asin tugutan an gabos na mga bagay parehong sa kuwarta asin sa pagkakan, na sobra pa sa kinakaipuhanan para sa mga ngangangaipo kaining mga katawohan, na maitago sa mga kamot kan Obispo.
14 Asin tugutan siya man na makapagreserba para sa sadire niya para sa saiyang sadireng mga pangangaipo, asin para sa mga pangangaipo kan saiyang pamilya, habang siya pinag-employo sa paggigibo kaining kalakalan.
15 Asin kaya Ako nagtutugot sa mga katawohang ini nin sarong pribilihiyo na pag-oorganisaron an mga sadire ninda na uyon sa sakuyang mga leyes.
16 Asin Ako nagkonsagra para sa sainda kaining kadagaan sa laog nin sarong dikit na panahon, sagkod na Ako, an Kagurangnan magtatao para sainda nin iba, asin magsusugo sainda na magpasiring duman;
17 Asin an oras asin an aldaw dae pinagtao sa sainda, kumbaya tinutugot sainda na magtrabaho sa kadagaang ini sa laog nin kadakul na taon, asin ini magtatabang sa sainda para saindang pagheherasan.
18 Hilnga, ini magigin sarong ehemplo para sa sakuyang surugoon na si Edward Patridge, sa ibang mga lugar, sa gabos na mga simbahan.
19 Asin an siisay man an mananagboan na sarong matapaton, sarong husto, asin sarong matapat, asin saroang madunong na tagapagpangalaga maglalaog pasiring sa kaogmahan kan saiyang Kagurangnan, asin magmamana nin eternal na buhay.
20 Katotohanan, Ako nagsasabi sa saindo, Ako si JesuCristo, na iyo an nag-arabot nin hidali, sa oras na dae mo maisip. Arog kaini. Amen.