SEKSYON 71

Kapahayagan na ipinagtao ki Joseph Smith an Propeta asin Sidney Rigdon, sa Hiram, Ohio, Disyembre 1, 1831. HS 1:238-239. An Propeta nagpadagos sa pagsalin kan Bibliya na kaiba si Sidney Rigdon bilang saiyang parasurat sagkod na ining kapahayagan naresibe, sa panahon man sanang ini pinagtemporaryong pinasaray nguna tanganing makapagtabang sainda na utubon nguna an instruksiyon na itinao sainda digde. An mga katugangan magbibiyahe tanganing ipagbabalangibog na mahahali an bakong maninigong mga pagmamate na nagdadanay laban sa Simbahan bilang sarong resulta kan publikasyon nin mga artikulo kan ibang diyaryo ni Ezra Booth, na nag-apostasiya.
*******
1-4, Si Joseph Smith asin Sidney Rigdon ipinagpadara tanganing ipagproklama an ebanghelyo; 5-11, An mga kaiwal kan mga banal pagriribongon.
*******
HILNGA, kaya nagsabi an Kagurangnan sa saindo na sakuyang mga surugoon na si Joseph Smith, Jun., asin Sidney Rigdon, na an panahon nag-abot nang gayo na ini kinakaipuhanan asin kapakinabangan sa sakuya na kamo dapat nang magbukas kan saindong mga nguso sa pagproklama kan sakuyang ebanghelyo, kan mga bagay nin kahadean, ipagpapaliwanag an mga misteryo kaini gikan pa sa mga eskritura, na uyon sa porsiyon kan Espiritu asin kapangyarihan na ipagtatao sa saindo, na Ako an may kagustuhan.
2 Katotohanan Ako nagsasabi sa saindo, ipagproklama sa mundo sa mga rehiyon na nakapalibot, asin sa simbahan man, para sa espasyon nin sarong kapanahunan, magin sagkod na ini paghihimoon na maipagpaaram sa saindo.
3 Katotohanan iyo ini an sarong misyon para sa sarong kapanahunan, na Ako an nagtao sa sando.
4 Kumbaya, magtrabaho kamo sa sakuyang ubasan. Apudon an mga nag-eerok sa kinaban, asin magpatotoo, asin ipaghanda an dalan para sa mga kasugoan asin mga kapahayagan na mag-aarabot.
5 Ngonyan, hilnga iyo ini an kadunungan; an siisay man an nakakapagbasa, tugutan siyang makakapagsabot asin makakapagresibe man;
6 Nin huli ta sa saiya na nagreresibe kaini pagtataw-anan pa nin mas abunda, maski ngani kapangyarihan pa.
7 Kumbaya, pagriribongon an saindong mga kaiwal; pangapudan sinda na makipaghilingan saindo pareho sa atubangan nin publiko asin sa pribado; asin habang kamo matapat an saindang kasupganan paghihimoon na maipagmanipesto.
8 Kumbaya, tugutan sindang magdadara paluwas kan saindang makusog na mga rason laban sa Kagurangnan.
9 Katotohanan, kaya nagsabi an Kagurangnan sa saindo--- mayong armas na pagpopormahon laban saindo na magdadanay;
10 Asin kun igwang tawo na mag-alsa kan saindang boses laban saindo, siya pagriribongon sa sakuyang pinagtalaan na panahon.
11 Kumbaya, magsunod kamo sa sakuyang mga kasugoan; sinda totoo asin tapat. Arog kaini. Amen.

SEKSYON 70

Kapahayagan na ipinagtao sa paagi ki Joseph Smith an Propeta, sa Kirtland, Ohio, Nobyembre 12, 1831. HS 1:235-237. An historiya na pinagsurat sa paagi kan Propeta nagsabi sa apat na espesyal na mga kumperensiya an pinaghimo magpoon kan petsa uno hanggan petsa dose kan Nobyembre, inklusibo. Sa huring kaining mga asembliya an dakulang importansiya kan Libro nin mga Kasugoan, sa huri pinag-apod na Doktrina asin mga Tipan, iyo an pinagkonsidera; asin an Propeta pinagpahinunod ini bilang iyo “an pundasyon kan Simbahan kaining mga huring aldaw, asin sarong kapakinabangan para sa kinaban, na nagpapahiling na an mga susi kan mga misteryo nin kahadean kan satuyang Paraligtas giraray ipinagkatiwala sa tawo.”
*******
1-5, Mga Tagapagpangalaga pinagngaranan tanganing ipublisa an mga kapahayagan; 6-13, Idtong mga nagtatrabaho sa espirituwal na mga bagay maninigo sa saindang pagka-apod; 14-18, An mga banal dapat na magin pararehas sa temporal na mga bagay.
*******
HILNGA, asin maghinanyog, O kamong mga nag-eerok sa Sion, asin gabos kamong mga katawohan kan sakuyang simbahan na yaraon sa hararayo, asin dangoga an tataramon nin Kagurangnan na Ako an nagtao sa sakuyang surugoon na si Joseph Smith, Jr., asin man sa sakuyang surugoon na si Martin Harris, asin man sa sakuyang surugoon na si Oliver Cowdery, asin man sa sakuyang surugoon na si John Whitmer, asin man sa sakuyang surugoon na si Sidney Rigdon, asin man sa sakuyang surugoon na si William W. Phelps, sa paagi nin mga kasugoan sa sainda.
2 Nin huli ta Ako an nagtao sa sainda nin sarong kasugoan; kumbaya hinanyoga asin dangoga, nin huli kaini kaya nagsabi an Kaguranganan sa sainda---
3 Ako, an Kagurangnan, an nagngaran sainda, asin an nag-ordina sainda na magin mga tagapagpangalaga kan mga kapahayagan asin mga kasugoan na Ako an nagtao sa sainda, asin iba pa na Ako magpoon ngonyan an magtatao sa sainda;
4 Asin sarong talaan kaining pagpapangalaga Ako magkakaipo sainda sa kaaldawan nin paghuhukom.
5 Kumbaya, Ako an nagngaran sa sainda, asin iyo ini an saindang bisnis sa laog kan simbahan nin Diyos, tanganing pamamahalaan sinda asin an mga pangangaipo kaini, iyo, asin an mga benepisyo kaini.
6 Kumbaya, sarong kasugoan Ako magtatao sa sainda, na sinda dae kaining mga bagay sa simbahan, ni sa kinaban;
7 Daeng pagkukulang, habang sinda nagreresibe nin sobra pa sa kinakaipo para sa saindang mga kaipuhanan asin kan saindang mga pinagkakaipo, ini ipagtatao pasiring sa sakuyang kamalig;
8 Asin an mga benepisyo pagkokonsagrahon para sa mga nag-eerok sa Sion, asin sa saindang mga henerasyon, habang baya sinda nagin mga tagapagmana uyon sa mga ley nin kahadean.
9 Hilnga, iyo ini kun ano an kaipuhan nin Kagurangnan sa lambang tawo sa saiyang pagpapangalaga, na magin Ako, an Kagurangnan, an nagngaran o magpoon ngonyan magngangaran sa kiisay man na tawo.
10 Asin hilnga, mayong pinagpapalaen kaining ley na kabali sa simbahan kan buhay na Diyos;
11 Iyo, bako an bishop, bako an ahente na namamahala sa kamalig nin Kagurangnan, bako siya na pinagngaranan bilang tagapagpangalaga kan mga temporal na bagay.
12 Siya na pinagngaranan na mag-administrar kan espirituwal na mga bagay, iyo man sana an maninigo sa saiyang pangapudan, maski sinda na pinagngaranan sa sarong pagpapangalaga tanganing administraron an mga temporal na bagay;
13 Iyo, magin mas abunda, na an abundang ini pagmumultiplikaron sa sainda sa paagi kan mga manipestasyon kan Espiritu.
14 Daeng pagkukulang, sa saindong mga temporal na bagay kamo magin pantay-pantay, asin ini bakong sa ororihan, ta kun laen, an abunda kan manipestasyon kan Espiritu pagpupugulon.
15 Ngonyan, iyo ini an kasugoan na Ako an nagtao sa sakuyang mga surugoon para sa saindang benepisyo habang sinda yaon, para sa sarong manipestasyon kan sakuyang mga bendisyon sa saindang mga payo, asin para sa sarong pabuya kan saindang kaigotan asin para sa saindang seguridad;
16 Para sa pagkakan asin para sa pagyayamit; para sa sarong kamanahan; para sa mga paghaharong asin para sa mga kadagaan, sa anuman na mga sirkumstansiya na Ako, an Kagurangnan, an magkakag sainda, asin sa arinman na Ako, an Kagurangnan, an magpapadara sainda.
17 Nin huli ta sinda nagigin matapat sa kadakul na mga bagay, asin nakapaggibong gayo habang sinda dae nagkasala.
18 Hilnga, Ako, an Kagurangnan, pano nin pagkaherak asin magbebendisyon sainda, asin sinda makakalaog pasiring sa kaogmahan kaining mga bagay. Arog kaini. Amen.

SEKSYON 69

Kapahayagan na ipinagtao sa paagi ki Joseph Smith an Propeta, sa Hiram, Ohio, Nobyembre 1831. HS 1:234-235. An katiriponan kan mga kapahayagan na pinag-andam para sa amay na publikasyon pinagpasa kan espesyal na kumperensiya kan Nobyembre 1. Kan Nobyembre 3, an kapahayagan na yaon digde bilang Seksyon 133 pinagdagdag, asin pinag-apud na Appendix. Sa paagi kan aksyon kan kumperensiya, si Oliver Cowdery an pinagngaranan na iyo an magdara kan manuskrito kan pinagtiripon na mga kapahayagan asin mga kasugoan pasiring sa Independence, Missouri, para imprintahon. Siya man an magdadara nin mga kuwarta na pinagtarao para sa pagtutugdok kan Simbahan sa Missouri. Habang an kurso kan pagbibiyahe magsusubol saiya sa pag-agi sa sarong madalang na pinag-eestaran na lugar pasiring sa prontiyera, sarong kaibahan sa pagbibiyahe an kinakaipuhan.
*******
1-2, Si John Whitmer iyo an makakaibahan ni Oliver Cowdery pagpasiring sa Missouri; 3-8, Siya man mababalangibog asin magkokolekta, magrerekord, asin magsusurat kan historikal na data.
*******
MAGHINANYOG sa sakuya, nagsabi an Kagurangnan an saindong Diyos, para sa kapakanan kan sakuyang surugoon na si Oliver Cowdery. Ini bakong kadunungan sakuya na siya dapat na pagkatiwalaan kan mga kasugoan asin mga kuwarta na saiyang pagdadarahon pasiring sa kadagaan nin Sion, laen lang na may saro na makakaibahan niya na magigin totoo asin matapat.
2 Kumbaya, Ako, an Kagurangnan, naggusto na an sakuyang surugoon, si John Whitmer, dapat na mag-iba sa sakuyang surugoon na si Oliver Cowdery.
3 Asin man na siya magpapadagos sa pagsusurat asin paggigibo nin sarong historiya kan gabos na mga importanteng bagay na saiyang naobserbaran asin naaaraman manunungod sa sakuyang simbahan;
4 Asin man na siya magresibe nin paghuhulit asin tabang gikan sa sakyang surugoon na si Oliver Cowdery asin iba pa.
5 Asin man, an sakuyang mga surugon na yaraon sa hararayong mga lugar sa kinaban dapat na magpapadara kan mga panimbagan kan saindang mga pagpapangalaga pasiring sa kadagaan nin Sion;
6 Nin huli ta an kadagaan nin Sion iyo an magigin sarong tukawan asin sarong lugar tanganing magreresibe asin maggigibo an gabos na ining mga bagay.
7 Daeng pagkukulang, tugutan an sakuyang surugoon na si John Whitmer magbibiyahe nin kadakul na beses gikan sa sarong lugar pasiring sa sarong lugar, asin gikan sa sarong simbahan pasiring sa sarong simbahan, na tanganing siya puwedeng yano na makakapagkua nin kadagdagan na kaaraman---
8 Pagbabalangibog asin Pagpapaliwanag, pagsusurat, pagkokopya, pagpipili, asin pagkakaigwa nin gabos na mga bagay na magigin para sa karahayan kan simbahan, asin para sa nagsisirang na mga henerasyon na magtatrabaho sa kadagaan nin Sion, tanganing pagsadirihon ini gikan sa sarong henerasyon pasiring sa sarong henerasyon, na daeng kasagkoran. Amen.

SEKSYON 68

Kapahayagan na ipinagtao sa paagi ki Joseph Smith an Propeta, sa Hiram, Ohio, Nobyembre 1831, sa kahagadan ni Orson Hyde, Luke S. Johnson, Lyman E. Johnson, asin William E. McLellin. HS 1:227-229. Maski na ngani an kapahayagan na ini ipinagtao bilang kasimbagan sa kahagadan na tanganing an kaisipan nin Kagurangnan mahimong maipagpaaram mapanungod sa mga elders na pinagngaranan, kadaklan sa mga laman ipinagpapanungod sa bilog na Simbahan.
*******
1-5, Mga tataramon kan mga elders kunsoarin pinapakusog sa paagi kan Banal na Espiritu konsideradong mga kasuratan; 6-12, Mga elders an magbabalangibog asin magbubunyag, asin mga senyales an magsusunod sa mga tunay na naniniwala; 13-24, Panganay sa pag-iriba kan mga akeng lalake ni Aaron mapupuwedeng magsirbe bilang Tagapagpamayong Obispo (Iyo ini, nagkakapot nin mga susi kan tagapagpamahalang pamayuhan bilang sarong obispo) na yaon sa irarom kan direksiyon nin Pangenot na Tagapagpamahalang Pamayuhan; 25-28, An mga kamagurangan pinagsusugo na magtukdo kan ebanghelyo sa saindang mga kaarakian; 29-35, An mga banal dapat mag-obserba kan Sabbath, magtrabahong maigot, asin magpangadye.
*******
An sakuyang surugoon na si Orson Hyde, pinag-apudan sa paagi kan saiyang ordinasyon na magproklama kan daeng kasagkoran na ebanghelyo, sa paagi kan Espiritu nin buhay na Diyos, gikan sa katawohan pasiring sa mga katawohan, asin gikan sa kadagaan pasiring sa mga kadagaan, sa mga kongregasyon kan mga mararaot, sa saindong mga sinagoga, makikipagrason asin magpapasabot kan gabos na mga kasuratan sa sainda.
2 Asin, hilnga, asin uya, iyo ini an sarong ehemplo para sa gabos ninda na pinag-ordinahan para kaining pagkasaserdote, na an misyon ipinagngaran sa sainda na maglakbay padagos---
3 Asin iyo ini an ehemplo para sa sainda, na sinda magtataram habang sinda pinaghuhurot sa paagi kan Espiritu Santo.
4 Asin an anuman na saindang pinagtataram kunsoarin pinaghuhurot sa paagi kan Espiritu Santo magigin kasuratan, magigin iyo an kagustuhan nin Kagurangnan, magigin iyo an kaisipan nin Kagurangnan, magigin iyo an tataramon nin Kagurangnan, magigin iyo an boses nin Kagurangnan, asin an kapangyarihan nin Diyos pasiring sa kaligtasan.
5 Hilnga, iyo ini an promisa nin Kagurangnan sa saindo, O kamong sakuyang mga surugoon.
6 Kumbayay, magin yaon kamo sa marahay na pagkaogma, asin dae matakot, nin huli ta Ako an Kagurangnan kaiba nindo, asin magtitindog na kaabay nindo; asin kamo magpapatotoo sa sakuya, na iyo ngani si JesuCristo, na Ako an Ake kan buhay na Diyos, na Ako kaidto, na Ako ngonyan, asin na Ako sa maabot.
7 Iyo ini an tataramon nin Kagurangnan para sa saimo, sakuyang surugoon na si Orson Hyde, asin man para sa sakuyang surugoon na si Luke Johnson, asin para sa sakuyang surugoon na si Lyman Johnson, asin para sa sakuyang surugoon na si William E. McLellin, asin para sa gabos na matapat na mga elders kan sakuyang simbahan---
8 Magpaduman kamo pasiring sa bilog na kinaban, ipagbalangibog an ebanghelyo sa lambang nilalang, naggigibo kan autoridad kun saen Ako an nagtao saindo, magbubunyag sa pangaran nin Ama, asin nin Ake, asin nin Espiritu Santo.
9 Asin siya na nagtubod asin nagpabunyag iyo an maliligtas, asin siya na dae nagtubod iyo an pagkokondenaron.
10 Asin siya na nagtubod iyo an pagbebendisyunan na may kaibang mga senyales, siring na ini nakasurat.
11 Asin sa saindo ini ipinagtatao na makaaram sa mga senyales nin mga panahon, asin an mga senyales kan pag-abot kan Ake nin Tawo;
12 Asin habang kadakul na an Ama an nagpatotoo, sa saindo ipagtatao an kapangyarihan na pagselyuhan sinda paitaas pasiring sa eternal na buhay. Amen.
13 Asin ngonyan, mapapanungod sa mga bagay bilang kadagdagan, sa mga tipan asin mga kasugoan, sinda iyo an mga ini---
14 Magkakaigwang mawawalat digde magpoon ngonyan, sa tinakdang panahon nin Kagurangnan, na ibang mga obispo na ipagpapalaen para sa simbahan, tanganing magmiministeryo magin uyon sa naenot;
15 Kumbaya sinda magigin mga halangkaw na padi na mga maninigo, asin sinda pagngangaranan kan Pangenot na Tagapagpamahalang Pamayuhan kan Pagkasaserdoteng Melchizedek, laen lang kun sinda talagang tunay na mga kamakoapoan ni Aaron.
16 Asin kun sinda talagang tunay na kamakoapoan ni Aaron sinda igwa nin legal na karapatan para sa pan-obispong opisina, kun sinda an mga panganay sa pag-iriba kan mga akeng lalake ni Aaron;
17 Nin huli ta an mga panganay an may kapot nin karapatan para sa tagapagpamahalang pamayuhan na mangingibabaw kaining pagkasaserdote, asin kan mga susi o autoridad kaini.
18 Mayong tawo na igwang legal na karapatan sa opisinang ini, tanganing magkapot nin mga susi kaining pagkasaserdote, laen lang kun siya talagang tunay na makoapo asin panganay ni Aaron.
19 Pero, bilang sarong halangkaw na padi kan Pagkasaserdoteng Melchizedek na igwang autoridad na manihoon an gabos na mga hababang opisina siya mapupuwedeng magmaneho kan opisina nin obispo kunsoarin mayo talagang tunay na makoapo si Aaron na managboan, dapat lang na siya pag-apudon asin ipagpalaen asin pag-ordinahan sa kapangyarihang ini, sa irarom kan mga kamot nin Pangenot na Tagapagpamahalang Pamayuhan kan Pagkasaserdoteng Melchizedek.
20 Asin an saro na talagang tunay na makoapo man ni Aaron kaipuhan na pagdesignaron kaining Tagapagpamahalang Pamayuhan, asin managboang maninigo, asin konsagrado nin lana, asin ordinado sa irarom nin mga kamot kaining Tagapagpamahalang Pamayuhan, ta kun bako man sinda dae legal na autorisado na magmaneho sa saindang pagkasaserdote.
21 Pero, sa paagi nin birtud kan dekrito mapapanungod sa saindang karapatan sa pagkasaserdote na minagikan sa ama pasiring sa akeng lalake, sinda mapupuwedeng pag-akoon an saindang konsagradong kamanahan kun sa anuman na panahon sinda makapagpapatunay kan saindang pinaggikanan, o mahimong mapatotohanan ini sa paagi nin kapahayagan gikan sa Kagurangnan sa irarom kan mga kamot nin pinagsambit na Tagapagpamahalang Pamayuhan.
22 Asin giraray, mayong obispo o halangkaw na padi na ipagpapalaen para kaining ministeryo na pagpoprobaran o pagkokondenaron sa anuman na krimen, laen kun ini yaon sa atubangan kan Pangenot na Tagapagpamahalang Pamayuhan kan simbahan;
23 Asin habang siya nanagboan na nagkasala sa atubangan kaining Pangenot na Tagapagpamahalang Pamayuhan, sa paagi kan testimonya na dae mapagbag-o, siya pagkokondenaron.
24 Asun kun siya nagsosolsol siya patatawadon, uyon sa mga tipan asin mga kasugoan kan simbahan,
25 Asin giraray, habang an mga magurang igwa nin mga kaarakian sa Sion, o sa arin man kaining mga istaka na pinag-organisa, na an pinagtutukdo sainda bakong sa pagkasabot sa doktrina nin pagsosolsol, pagtubod ki Cristo an Ake nin nabubuhay na Diyos, asin kan pagbubunyag asin kan regalo kan Espiritu Santo sa paagi kan pagpapatong nin mga kamot, kunsoarin walong taon na an edad, an kasalan mapapasa mga mayo nin mga magurang.
26 Nin huli ta iyo ini an magigin ley para sa mga nag-eerok sa Sion, o sa arin man kan saiyang mga istaka na pinag-organisa.
27 Asin an saindang mga kaarakian pagbubunyagan pa sa kapatawaran kan saindang mga kasalan kunsoarin walong taon na an edad, asin resibihon an pagpapatong kan mga kamot.
28 Asin sinda man magtutukdo kan saindang mga kaarakian na magpapangadye, asin maglalakaw nin matanuson sa atubangan nin Kagurangnan.
29 Asin an mga nag-eerok sa Sion mag-oobserba man kan aldaw nin Sabbath na pakabanalon ini.
30 Asin an mga nag-eerok sa Sion maggigiromdom man kan saindang mga pagtatrabaho, habang sinda pinagngaranan na magtrabaho, sa bilog na katapatan; nin huli ta an mga hugakon huring magigiromdoman sa atubangan nin Kagurangnan.
31 Ngonyan, Ako, an Kagurangnan, dae nag-oogmang gayo sa mga nag-eerok sa Sion, nin huli ta nagkaigwang mga hugakon sa pag-iriba ninda; asin an saindang mga kaarakian man nagtatrabaho sa karigsokan; sinda man dae man maigot na naghahanap sa mga kayamanan kan eternidad, kundi an saindang mga mata pano nin kasakiman.
32 Ining mga bagay dae dapat na mangyayari, asin kaipuhan gayong ipaglikay paharayo gikan sa pag-iriba ninda; kumbaya, tugutan na an sakuyang surugoon na si Oliver Cowdery iyo an magdadara kaining mga kasabihan pasiring sa kadagaan nin Sion.
33 Asin sarong kasugoan Ako magtatao sa sainda--- na siya na dae nag-oobserba kan saiyang mga pangadyeon sa atubangan nin Kagurangnan sa maabot na panahon, tugutan siya na huring magigiromdoman sa atubangan nin huwes kan sakuyang mga katawohan.
34 Ining mga kasabihan totoo asin matapat; kumbaya, dae maglapas sainda, ni paggibohon ini magpoon ngonyan.
35 Hilnga, Ako an Alpha asin an Omega, asin Ako minaabot nin hidali. Amen.