SEKSYON 82

Kapahayagan na ipinagtao ki Joseph Smith an Propeta, sa Jackson County, Missouri, Abril 26, 1832. HS 1:267-269. An okasyon iyo an Konseho Heneral kan Simbahan na kun saen si Joseph Smith an Propeta pinagsustine bilang Presidente kan Halangkaw na Pagkasaserdote, sa opisinang ini siya dati nang pinag-ordinahan sa sarong kumperensiya kan halangkaw na mga pade, mga elders, asin mga miyembro, sa Amherst, Ohio, Enero 25, 1832 (Hilnga an pamayuhan kan Seksyon 75). Dati an mga pambihirang pangaran iyo an pinaggagamit sa publikasyon kaining kapahayagan tanganing ipagtago an kapangaranan kan mga personang pinagngangaranan (hilngon an pamayuhan kan Seksyon 78). Ining mga pambihirang mga pangaran ngonyan pinaghale na, laen lang sa mga kaso na kun saen an kapangaranan bakong aram (hilngon sa bersikulo 11).
*******
1-4, Kun saen dakula an pinagtatao, dakula man an pinaghahagad; 5-7, Kadikloman an maghahade sa mundo; 8-13, An Kagurangnan nabubugkos kunsoarin na kita naggigibo kun ano an saiyang mga pinagsasabi; 14-18, An Sion kaipuhan na magdakula sa kagayunan asin kabanalan; 19-24, An lambang tawo dapat na magmamawot kan interes nin saiyang kataraid.
*******
KATOTOHANAN, katotohanan, Ako nagsasabi sa saindo, sakuyang mga surugoon, na habang kamo nakakapagpatawad sa lambang saro kan saindong mga kalapasan, arog kaini Ako, an Kagurangnan, nagpapatawad saindo.
2 Daeng pagkukulang, igwa kamo sa mga pag-iriba nindo na nagkasala nin grabe; iyo, ngani gabos kamo nagkasala; pero katotohanan Ako nagsasabi sa saindo mag-ingat kamo magpoon ngonyan, asin maglikay gikan sa kasalan, ta baka makuniot na mga kahukuman an magkahurulog sa saindong mga payo.
3 Para saiya ini ipinapanungod na kun saen dakula an pinagtatao dakula man an pinaghahagad; asin siya na nagkasala laban sa halangkaw na liwanag magreresibe nin halangkaw na kondenasyon.
4 Kamo maapod sa sakuyang pangaran para sa mga kapahayagan, asin Ako magtatao kan mga ini sa saindo; asin habang kamo dae nagsusunod sa sakuyang mga pinagsasabi, na Ako an nagtao sa saindo, kamo nagigin mga paralapas; asin an hustisya asin kahukuman iyo an penalidad na iyo an kadakut kan sakuyang ley.
5 Kun kaya, kun ano an sakuyang pinagsasabi sa saro Ako nagsasabi para sa gabos: Magbantay, nin huli ta an kalaban pinagpapadakula an saiyang mga nasasakupan, asin kadikloman an pinagpapadanay;
6 Asin an anggot nin Diyos naglalaad laban sa mga nag-eerok kan kinaban; asin mayong naggigibo nin marahay, nin huli ta gabos nagsinutil paluwas sa dalan.
7 Asin ngonyan, katotohanan Ako nagsasabi sa saindo, Ako, an Kagurangnan, dae magpapamugtak nin anuman na kasalan para saindong paninimbagan; magralakaw kamo sa saindong mga dalan asin dae magkasala; pero sa kalag na nagkasala otro an dating mga kasalan ipagbabaralik, nagsabi an Kagurangnan saindong Diyos.
8 Asin giraray, ako nagsasabi sa saindo, Ako matao sa saindo nin sarong bag-ong kasugoan, na tanganing saindong maintindihan an sakuyang kagustuhan mapanungod saindo;
9 O, sa ibang mga tataramon, Ako matao sa saindo nin mga direksiyon kun paano kamo maghihiro sa atubangan ko, na tanganing ini mabalik sa saindo para sa saindong kaligtasan.
10 Ako, an Kagurangnan, nabubugkos kunsoarin kamo naggigibo kun ano an sakuyang pinagsasabi; pero kunsoarin na kamo dae naggigibo kun ano an sakuyang pinagsasabi, kamo mayong promisa.
11 Kun kaya, katotohanan Ako nagsasabi sa saindo, na ini kapakinabangan sa sakuyang mga surugoon Edward Partridge asin Newel K. Whitney, A. Sidney Gilbert asin Sidney Rigdon, asin an sakuyang surugoon na si Joseph Smith, asin John Whitmer asin Oliver Cowdery, asin W.W. Phelps asin Martin Harris na magkaburunyog kamong magkaibahan sa paagi nin sarong bugkos asin tipan na dae nanggad mababari sa paagi nin paglapas, laen lang na an kahukuman tulos-tulos na magsusunod, sa saindong iba-ibang mga pangangalaga---
12 Na magmaneho kan mga kaipuhan nin mga pobre, asin gabos na mga bagay na manunungod sa bishopric pareho sa kadagaan nin Sion asin sa kadagaan nin Kirtland;
13 Nin huli ta Ako an nagkonsagra kan kadagaan nin Kirtland sa sakuyang sadireng panahon para sa benepisyo kan mga banal nin Pinakahalangkaw, asin para sa sarong istaka nin Sion.
14 Nin huli ta an Sion kaipuhanan na madagdagan an kagayunan, asin sa kabanalan; an saiyang mga kasagkoran kaipuhanan na mapadakula; an saiyang mga istaka kaipuhan na mapakusog; iyo, katotohanan Ako nagsasabi sa saindo, an Sion kaipuhanan na maipagpalangkaw asin pagbabadoan kan saiyang magayunon na mga yamit.
15 Kun kaya, Ako matao sa saindo kaining kasugoan, na kamo maggapos kan saindong mga sadire sa paagi kaining tipan; asin ini paggigibohon na uyon sa mga leyes nin Kagurangnan.
16 Hilnga, uya an kadunungan man na yaon sakuya para sa saindong karahayan.
17 Asin kamo dapat magin pantay, o sa ibang mga tataramon, kamo dapat na magkaigwang pantay na kaakoan nin mga propriyedad, para sa benepisyo kan pagmamaneho nin mga kaipuhanan kan saindong kapangalagaan, lambang tawo uyon sa saiyang mga pangangaipo asin sa saiyang mga kaipuhanan, habang an saiyang mga pangangaipo husto sana---
18 Asin an gabos na ini para sa benepisyo kan simbahan nin buhay na Diyos, na an lambang tawo puwedeng maiangat an saiyang talento, na an lambang tawo puwedeng makapagguno nin iba pang mga talento, iyo, maski sanggatos kadoble, na ipagtatambak sa laog kan kamalig nin Kagurangnan, tanganing magin pinagkasararong propriyedad kan bilog na simbahan---
19 Lambang tawo naghahanap kan interes nin saiyang kataid, asin pinaggigibo gabos na mga bagay na igwang solong mata na nakaputitok sa kamurawayan nin Diyos.
20 An orden na ini Ako nagngangaran na magin daeng katapusan na orden sa saindo, asin sa saindong mga magsurunod, habang kamo dae pa nagkakasala.
21 Asin an kalag na nagkakasala laban kaining tipan, asin pinagpatagas an saiyang puso laban kaini, paninimbagon uyon sa mga leyes kan sakuyang simbahan, asin ipagtutuyakoy pasiring sa mga paghampak ni Satanas sagkod sa aldaw nin pagtubos.
22 Asin ngonyan, katotohanan Ako nagsasabi sa saindo, asin ini iyo an kadunungan, maggibo kamo sa saindong mga sadire na makikipag-amiguhan sa mayayaman na bakong matatanos, asin sinda dae mandedestroso saindo;
23 Ipagwalat an paghuhukom sana sako, nin huli ta ini sakuya asin Ako an magbabayad. Katuninongan mapasaindo; an sakuyang mga bendiyson padagos na mapasaindo.
24 Nin huli ta maski ngonyan an kahadean yaon saindo, asin ini magigin sagkod sa kasagkoran, kun kamo dae magkahurulog gikan sa saindong katatagan. Arog kaini. Amen.

SEKSYON 81

Kapahayagan na ipinagtao sa paagi ki Joseph Smith an Propeta, sa Hiram, Ohio, Marso 1832. HS 1:257-258. Si Frederick G. Williams pinag-apudan na magin halangkaw na pade asin tagapagpayo sa Pamayuhang Tagapagpamahala kan Halangkaw na Pagkasaserdote. An mga historikong mga rekords nagpapahiling na ining kapahayagan pinagresibe kan Marso 1832, ini pinag-apod si Jesse Gause sa opisina kan tagapagpayo para ki Joseph Smith sa Pamayuhang Tagapagpamahala. Alagad, kan siya nagpalya sa pagpadagos sa manerang uyon kan saiyang pangapudan, an apod tulos na pinagbalyo ki Frederick G. Williams. An kapahayagan (petsadong Marso 1832) dapat na pahalagahan bilang sarong lakdang pasiring sa promal na organisasyon kan Enot na Pamayuhang Tagapagpamahala, espisipikong nangangapudan para sa opisina kan tagapagpayo asin pinagpapasabot an dignidad kan kapangapudan. Si Brother Gause nagsirbe sa halipot na panahon, pero nagin eks-komunikado sa Simbahan kan Disyembre 1832. Si Brother Williams pinag-ordinahan sa pinagsambit na opisina kan Marso 18, 1833.
*******
1-2, An mga susi kan kahadean pirmeng kapot kan Enot na Pamayuhang Tagapagpamahala; 3-7, Kun si Frederick G. Williams magin tunay sa saiyang ministeryo, siya magkakaigwa nin eternal na buhay.
*******
KATOTOHANAN, katotohanan, Ako nagsasabi sa saimo sakuyang surugoon na si Frederick G. Williams: Magdangog sa boses niya na nagtataram, sa tataramon nin Kagurangnan saimong Diyos, asin maghinanyog sa pangapudan kun saen ika pinag-apudan, uya magin sarong halangkaw na pade ka sa sakuyang simbahan, asin sarong tagapagpayo sa sakuyang surugoon na si Joseph Smith, Jun.;
2 Na sa saiya Ako an nagtao nin mga susi kan kahadean, na pirmeng pangangaputan kan Pamayuhang Tagapagpamahala nin Halangkaw na Pagkasaserdote;
3 Kun kaya, katotohanan Ako minaako saiya asin magbebendisyon saiya, asin man saindo, habang kamo nagin matapat sa paghulit, sa opisina na kun saen kamo pinagngaranan sa saindo, magpapangadye pirme, sa tataramon asin sa saindong puso, sa publiko o sa pribado, na an saindo man na ministeryo sa pagpoproklama kan ebanghelyo sa kadagaan nin mga buhay, asin sa pag-iriba kan saimong mga katugangan.
4 Asin sa paggigibo kaining mga bagay saindong paggigibohon an pinakadakulang karahayan sa saindong mga kapwa tawo, asin ipagpapaurog an kamurawayan niya na iyo an saindong Kagurangnan.
5 Kumbaya, magin matapat kamo; manindugan sa opisina na Ako an nagngaran sa saindo; tabangan an mga maluluya, ipaglangkaw paitaas an mga kamot na nakabitay pababa asin pakusugon an maluluyang mga tuhod.
6 Asin kun kamo magigin matapat sagkod sa katapusan kamo magkakaigwa nin sarong korona kan immortalidad, asin eternal na buhay sa mga mansiyon na Ako an nag-andam sa harong nin sakuyang Ama.
7 Hilnga, asin uya, an mga ini an mga tataramon kan alpha asin omega, na iyo ngani si JesuCristo. Amen.

SEKSYON 80

Kapahayagan na ipinagtao sa paagi ki Joseph Smith an Propeta, sa Hiram, Ohio, Marso 1832. HS 1:257.
*******
1-5, Si Stephen Burnett asin Eden Smith pinagpangapudan na magbalangibog sa maski saen na lugar na saindong pinili.
*******
KATOTOHANAN, kaya nagsabi an Kagurangnan sa saimo na sakuyang surugoon na si Stephen Burnett: Magpaduman ka, magpaduman ka pasiring sa kinaban asin magbalangibog kan ebanghelyo sa lambang nilalang na magdudulok sa irarom kan tingog nin saimong boses.
2 Asin habang ika nagmawot nin sarong kaibahan, Ako matao sa saimo kan sakuyang surugoon na si Eden Smith.
3 Kumbaya, magpaduman ka asin magbalangibog kan sakuyang ebanghelyo, maski arin sa pasiring sa hiraga o sa timog, pasiring sa sirangan o pasiring sa sulnopan, ini bakong mahalaga, nin huli ta kamo dae makapagduman na mapapasala.
4 Kun kaya, ideklara an mga bagay na saindong nagkadarangog, asin tunay na pinaniwalaan, asin nakaaram na totoo.
5 Hilnga, iyo ini an kagustuhan niya na iyo an nag-apod saindo, an saindong Paratubos, na iyo ngani si JesuCristo. Amen.

SEKSYON 79

Kapahayagan na ipinagtao sa paagi ki Joseph Smith an Propeta, sa Hiram, Ohio, Marso 1832. HS 1:257.
*******
1-4, Si Jared Carter pinagpangapudan na magbalangibog kan ebanghelyo sa paagi kan Tapagpaglinga.
*******
KATOTOHANAN Ako nagsasabi sa saimo, na ini sakuyang kagustuhan na an sakuyang surugoon na si Jared Carter dapat na magpaduman giraray pasiring sa mga nasyon kan sirangan, sa lugar lugar, asin sa siyudad siyudad, sa kapangyarihan kan ordinasyon na kun saen siya pinag-ordinahan, magproklama nin mga marahayon na bareta nin dakulang kaogmahan, na iyo ngani an daeng katapusan na ebanghelyo.
2 Asin Ako magpapadara sa saiya kan Tagapaglinga, na iyo an magtutukdo saiya nin katotoohan asin kan dalan na kun saen magpapaduman;
3 Asin habang siya tunay, Ako an magkokorona saiya nin mga binulto.
4 Kumbaya, tugutan na an saimong puso mag-ogma, sakuyang surugoon na si Jared Carter, asin dae ka matakot, nagsabi an saimong Kagurangnan, na iyo ngani si JesuCristo. Amen.

SEKSYON 78

Kapahayagan na ipinagtao sa paagi ki Joseph Smith an Propeta, sa Hiram, Ohio, Marso 1832. An orden na ipinagtao nin Kagurangnan ki Joseph Smith para sa katuyuhan na pagtutugdok nin sarong kamalig para sa pobre. HS 1:255-257. Ini bako man gayong kinakaipuhan an pangaran kan mga tawo na an Kagurangnan an nagngaran sa mga kapahayagan dapat na maipagpabantog sa mundo; kaya, sa publikasyon kaini asin an iba pang nagsurunod na mga kapahayagan na an mga katugangan ipinagpanungdan sa paagi na iba kan saindang sadireng mga pangaran. Kunsoarin na an pangangaipo naglipas na ipagtago pa an mga pangaran kan mga tawo, an saindang tunay na mga pangaran tulos ipinagtao sa braket. Pagpoon kaidto na dae na kinakaipuhang gayo ngonyan na ipagpadagos an koda nin mga pangaran, an mga tunay na pangaran ngonyan sana pinaggagamit digde, siring na ipinagtao sa orihinal na mga manuskrito.
*******
1-4, An mga banal dapat na mag-organisa asin mag-establisa nin sarong kamalig; 5-12, An madunong na paggamit kan saindang mga propriyedad iyo an maggigiya pasiring sa kaligtasan; 13-14, An Simbahan dapat na magin indepedente sa pangkinaban na mga kapangyarihan; 15-16, Si Michael (Adan) nagsirbe sa irarom nin direksiyon kan Solong Banal (Cristo); 17-22, Paladan an mga matapat, nin huli ta sinda magmamana nin gabos na mga bagay.
*******
An Kagurangnan nagtaram ki Joseph Smith, Jun., na nagsasabi: Maghinanyog sa sakuya, nagsabi an Kagurangnan saimong Diyos, sinda na pinag-ordinahan sa pagkahalangkaw na pagkasaserdote kan sakuyang simbahan, na nag-asembliya kan saindong mga sadire na magkasararo;
2 Asin magdangog sa paghulit niya na nag-ordina saimo na gikan sa itaas, na iyo an magtataram sa saindong mga talenga nin mga tataramon nin kadunungan, na tanganing an kaligtasan mapapasaindo idtong bagay na saindong pinagpresenta sa atubangan ko, nagsabi an Kagurangnang Diyos.
3 Nin huli ta katotohanan Ako nagsasabi sa saindo, an panahon nag-abot na, asin ngonyan yaon na; asin hilnga, asinuya, ini kinakaipuhang gayo na magkakaigwa nin sarong organisasyon kan sakuyang mga katawohan, sa pagpapangalaga asin pag-eestablisa kan mga bagay nin kamalig para sa mga pobre kan sakuyang mga katawohan, pareho sa lugar na ini asin sa kadagaan nin Sion---
4 Para sa sarong permanente asin daeng katapusan na establisamento asin sa kahusayan kan sakuyang simbahan, tanganing ipag-abante an kausa, na saindong pinaghihimo na, para sa kaligtasan nin tawo, asin sa kamurawayan kan saindong Ama na yaon sa langit;
5 Na tanganing kamo magigin kapantay sa mga kabugkusan kan langitnon na mga bagay, iyo, asin kan pangkinaban na mga bagay man, para sa pagkakamit nin mga langitnon na mga bagay.
6 Nin huli ta kun kamo bakong pantay sa pangkinaban na mga bagay kamo bakong magin pantay sa pagkamit nin mga langitnon na mga bagay;
7 Nin huli ta kun kamo nagmawot na Ako magtao sa saindo nin sarong lugar sa selestiyal na kinaban, kamo dapat na ipag-andam an saindong mga sadire sa paagi nin paggibo nin mga bagay na Ako an nagsugo saindo asin nagpaggibo sa saindo.
8 Asin ngonyan, katotohanan kaya nagsabi an Kagurangnan, ini sarong kapakinabangan na an gabos na mga bagay paggigibohon para sa sakuyang kamurawayan, sa paagi nindo na pinag-ayon na magkasararo sa orden na ini;
9 O, sa ibang mga tataramon, tugutan an sakuyang surugoon na si Newel K. Whitney asin an sakuyang surugoon na si Joseph Smith, Jun., asin an sakuyang surugoon na si Sidney Rigdon magtukaw sa konseho kaiba nin mga banal na yaon sa Sion;
10 Ta kun laen si Satanas naghahangad na babaliktaron an saindang mga puso paharayo gikan sa katotohanan, na tanganing sinda magigin buta asin dae makakasabot sa mga bagay na pinag-andam para sa sainda.
11 Kumbaya, sarong kasugoan Ako magtatao sa saindo, na prepararon asin organisaron an saindong mga sadire sa paagi nin sarong bugkos kan daeng katapusan na tipan na dae na nanggad mapapabayaan.
12 Asin siya na nagpapabaya kaini mawawaraan kan saiyang opisina asin patitindugon sa simbahan, asin ipagtutulak pasiring sa mga paghampak ni Satanas sagkod sa aldaw nin pagtutubos.
13 Hilnga, iyo ini an preparasyon na kun saen baya Ako an nag-andam saindo, asin an pundasyon, asin an halimbawa na Ako an nagtao saidon, na kn saen kamo mapupuwedeng makakapaggibo kan mga kasugoan na ipinagtao na sa saindo;
14 Na sa paagi kan sakuyang kapangalagaan, maski na ngani sa tribulasyon na magbababa sa saindo, na tanganing an simbahan puwedeng magtitindog na independente na labaw pa sa gabos na mga nilalang sa irarom kan selestiyal na kinaban;
15 Na tanganing kamo puwedeng magkamit kan korona na pinag-andam para sa saindo, asin maggibong mga tagapagpamahala nin kadakul na mga kahadean, nagsabi an Kagurangnang Diyos, an Solong Banal nin Sion, na iyo an nag-establisa kan mga pundasyon nin Adam-ondi-Ahman.
16 Na iyo an nagngaran ki Michael na saindong prinsipe, asin pinag-establisa an saiyang mga bitis, asin magtindog saiya sa kaitaasan, asin ipinagtao sa saiya an mga susi nin kaligtasan na yaon sa irarom kan paghulit
17 Katotohanan, katotohanan, Ako nagsasabi sa saindo, kamo mga saradit na kaarakian, asin kamo dae pang gayo nakakasabot kun gurano kadakula an mga biyaya na an Ama igwa sa saiyang sadireng mga kamot asin pinag-andam para saindo;
18 Asin kamo dae makakapagdara kan gabos na mga bagay ngonyan, daeng pagkukulang, kamo dapat mag-ogma nin huli ta Ako pangenot na kaiba nindo. An kahadean pagsadire nindo asin an mga biyaya kaini mapapapasaindo, asin an mga kayamanan kan eternidad mapapasaindo.
19 Asin siya na nagresibe kan gabos na mga bagay na igwang pano nin kapasalamatan paggigibohong mamurawayon; asin an mga bagay kaining kinaban ipagdadagdag sa saiya, magin sagkod sa mananggatos na doble, iyo, sobra pa.
20 Kumbaya, gibohon an mga bagay na Ako an nagsugo saindo, nagsabi an saindong Paratubos, na iyo ngani an Ake ni Ahman, na iyo an nag-andam kan gabos na mga bagay bago pa man pagkukuahon kamo.
21 Nin huli ta kamo an simbahan kan Panganay, asin saiya kamong pagdadarahon paitaas sa sarong panginuron, asin pagtataw-anan an lambang tawo kan saiyang porsiyon.
22 Asin siya na sarong tunay asin madunong na tagapagpangalaga magmamana nin gabos na mga bagay. Amen.